Bible Stories
Choose Language
Choose Old Testament Story
Choose New Testament Story
ИСАИЯ ШКАЙМАРЯЙСЬ
Исаия шкаймаряйсь эрясь Иудань масторса 800 кизода инголе Кристосонь шачемас. Сон лангу лихтезень израилень ломаттнень пежетьснон. Корхнесь, кле, тинь аердоде Шкайда, аф кематада, а аньцек тиенттяда шама. Сон тернезень кашан пежетюфнень каендама. Исаия ингольпяли няезь азозе, мезе учсыне ламоц ошнень, и азфоц пяшкодсь анцяйняньбес.
Исаия най тернезе ломаньтналть Шкайс кемама. Вов серьгятьксонзон эзда фкясь: «Кали тон аф содасак, кали тон ашить куле, Азорсь – сембе пингонь Шкайсь, кона тиезень модать пензон? Сон аф сизси, эрьгадонга аф машни, прявиецка пефтома! Сон максси сизеф ломанти вий, пульзяфти кази эрьгя. Сизсихть оттневок, вийдонга машнихть, од ломаттневок прашендыхть, а Шкайти кемайхнень одкстомихть вийсна. Синь куцьканкс кеподьсазь пацяснон, лийкстайхть, аф сизихть, молихть, аф маштыхть альда!»
Исаия анокс азозе Мессиять, Исус Кристосонь, шачеманц. Эсь книгасонза сон сяшкава шарьхкодевиста тяштезе Исус Кристосонь шачеманц, эряфонц, муцендаманзон, куломанц и вельмаманц, мярьгат, нинге эста няезе сянь, мезе лиссь сядот кизода меле, и мезе сёрматф Од Соткс книгать эса. Вов мезе азсь Кристосонь колга:
«... Сон сявозень лангозонза лафчашиньконь, кандозень урманьконь. А минь арьсеме, бта Шкайсь пантфтозе шумонц, апалязе и люпштазе сонь эсь пежетензон инкса. Аньцек сон пялентьфольсялгонтфоль минь пежетеньконь инкса и муцендаф минь койфтомашиньконь инкса. Марнек масторлангть шумонь пантфтомац сонь лангсонзоль, сонь сярятьфонзон вельде пчкаме. Сембе минь учакс эрьгаскоткшнеме, эрьсь шарфтсь эсь кизонза; и Азорсь путозень лангозонза сембонь минь пежетеньконь. Сон ульсь сязентьф-пялентьф, аньцек няезень аф няематнень эсь мяленц коряс, кургонцка ашезе панчсе; кода учань, сонь вятезь печкомс, кода вероскя ащи нараензон инголе вайгяльфтома, тяфта сон ашезе панчсе кургонц».
ИСАИЯ 40:28-31; 53:4-7
264 
