Bible Stories
Choose Language
Choose Old Testament Story
Choose New Testament Story
ДАНИИЛ И КОЛМА ЯЛГАНЗА
Навуходоносор вавилононь оцязорсь мярьгсь кудвятиенцты кочкамс полонц сявф еврейхнень ёткста мазы од цёрат, ронгонь-пондонь зиянфтома, оржа ётть тонафнемаса, и конат кондястельхть оцязоронь кудса покодема. Мярьгоманц пяшкодезь, оцязорсь явсь цёратненди эрь шинь ярхцамбяль эсь моркшстонза, винавок, конада симсь сонць. Кошардсь касфтомс синь содамошиснон, тонафтомс кяльхненди, и тяфта синь кирдемс колма кизот. Израилень цёратнень ётксостольхть Даниил, Анания, Мисаил, Азария. Вавилононь оцязорть кудса синь кармасть лемнемост: Даниилонь – Валтасар, Ананиянь – Седрах, Мисаилонь – Мисах, Азариянь – Авденаго. Ня цёратне ванфтозь седисост Шкайти кельгомать и эзонза кемамать.
Даниил арьсесь аф кольфнемс потмонь арушинц оцязор моркш лангста ярхцамбяльса и винаса. Ня ярхцамбяльхне аноклафтольхть стама ракшань и нармонень сивольста, конатнень эзда израилень ломаттненди ашезь мярьгондев ярхцамс. Сон эняльдсь оцязоронь кудвятити макссемс тейнза и ялганзонды перень сёрот и ведь. Кудвятись васенда ашезе пяшкотькшне эняльдеманц, пельсь цёратне осалгодыхть и тя кяжияфтсы оцязорть. Даниил маштсь кяляцямонза, мярьгсь, макссемс тейст перень сёрот и ведь кемонь шит. Кемонь шида меле нилетнень шамасна няевсть сяда мазыста, ронгсна сяда вадявста ся цёратнень коряс, конат ярхцасть оцязоронь моркш лангста ярхцамбяльда. Шкайсь макссь Даниилонди, Ананиянди, Мисаилонди, Азариянди содамоши, смузьши. Даниилонди сон казсь нинге ононь и эвоньксонь шарьхкодема-содама.
Колма кизода меле оцязорсь мярьгсь вятемдост тейнза израилень цёратнень. Башка эрьть мархта корхтамда меле сон марязе: сембонь ёткста Даниилонь, Ананиянь, Мисаилонь, Азариянь кодямот аш. Сяс синь катфтольхть покодема оцязорть видес. Мезень колга оцязорсь афолезень кизефне цёратнень, сон няезе: синь мушендсть кемонень-крда сяда смузю мяльётть масторсонза сембе содайхнень и смузюфнень коряс.
ДАНИИЛ 1:3-20
230 
