Bible Stories
Choose Language
Choose Old Testament Story
Choose New Testament Story
Сириянь оцязорть ульсь пяк цебярь ушмандеец*а. Лемоцоль Нееман. Сон пяк содафоль, сембе кельгозь, аньцек сярядсь кальдяв урмаса – проказаса.
Фкя тюремаса сириянь эряйхне сявсть полонц израилень стирня, кона кармась покодема Нееманонь рьванц видеса. Тя стирнясь кемась эрек Шкайти и содась ся ацерматнень колга, конатнень Азорсь тиендезень Елисеень вельде. Весть стирнясь мярьгсь азоравати: "Ва молендяряль азорозе Самариянь шкаймаряйти, ся сонь урманц пчкафтолезе". Тянь кулемста Нееман мольсь эсь оцязоронцты и азондозе, мезе ёфтась израилень уре стирнясь. Сириянь оцязорсь мярьгсь Нееманонди: "Архт тов, мон тяштян израилень оцязорти сёрма".
Нееман лямбоста явсь рьванц мархта, тусь Израили. Пачкодемста максозе оцязорти сёрмать, конаса тяштьфоль: "Тя сёрмать мархта вейхцок кучса тейть Нееманонь, покодиезень. Пчкафтк сонь стака урманц". Израилень оцязорсь лувозе сёрмать, кяждонза сязезе щамонц: "Кали мон Шкаян, кона кулсефти и вельмофни, месть сон кучси урмань пчкафнема тейне? Тяни содасть и няесть, сон вешенди туфтал срхкафтомс каршезон кяж".
Мзярда тянь кулезе Елисей, кучезе ломаненц оцязорти азомонза: "Мезенди сязендить щамцень? Катк сярядись сай тейне и содасы: ули шкаймаряй Израильса".
ОЦЯЗОРХТ 4-ЦЕСЬ 5:1-8
*а Ушмандей – ушманонь вяти.
200 
