Choose Language
Choose Old Testament Story
Choose New Testament Story
Öтпыр Галилей ты дорын Исусыс велöтас быдлаись локтöм отирöс. Сы дынö сибöтчас Явир нима морт, еврей вичкуись юралiсь. Сiя усяс Исусыс коккезö, корас: «Менам нылö кулö. Лок пукты киэтö сы вылö, ась сiя веськалас да кольччас ловья». Исусыс мунас сыкöт. Ны бöрсянь дзескöтчöмöн мунас уна отир.
Сiя кадö Явирыс дынö сибöтчасö сылöн отсасиссес, висьталасö: «Тэнат нылыт кулiс. Эн ни кор велöтiсьсö». Исусыс кылас, Явирыслö шуас: «Эн пов, дзир верит». Нiя сибöтчасö Явирыс керку дынö. Исусыс пырас керкуас. Сiя казялас Явир увтырыслiсь герьялöмсö. Исусыс висьталас нылö: «Мый öшит да бöрдат? Нывкаыс эз кув, сiя узьö». Сы вылын пондасö серавны. Исусыс корас сьöрас Петраöс, Яковöс, Иванöс, нывкаыслiсь аймамсö. Нiя пырасö нылыс жырö. Исусыс сибöтчас нывкаыс дынö, кутас киöттяс, шуас: «Нылiньöй, тэныт шуа: чеччы!» Нылыс чожа чеччас, пондас ветлöтны. Сiйö адззылiссес чуймасö.
Марк 5:21-24, 35-42
94 
