Choose Language
Choose Old Testament Story
Choose New Testament Story
Вузасись-небсись йöз локтасö Египетö. Нiя вузаласö Öсипсö юралiсьлö, кöда уджалöм öксулö*а. Ен быдöсын отсалöм Öсипыслö. Сiя эд пыр кеймас Еныслö. Пöтипар нима юралiсь казялас: Ен пö отсалö Öсиплö быд кодь уджын. Сысянь сiя Öсипсӧ сувтöтас уджавны аслас керкуын. Ассис быдöс пажытьсö сетöм сы киэзö. Пöтипар ачыс нем бердö абу кутчисьлöм, быдöс бура керсьöм Öсипыс киэз пыр да.
Мыгöрнас, чужöмнас Öсип вöлöм бытшöм, мича. Пö типарлöн иньыс пуктас сы вылö синсö. Инькаыс оз тöд Енсö, оз тöд Енлiсь тшöктöммесö. Сiя пондöм ылöтлыны Öсипсö. Мöдыс оз кывзiсь инькасö, Ӧсипыс эд олöм Енлӧн тшӧктӧммез сьӧртi. Сiя висьталас: «Ме ог вермы керны умöльсö Ен одзын!»
Пöтипарлöн иньыс кöсйöм бергöтны Öсипыслö ассис лöгсö. Сiя бöбöтöмöн висьталас Пöтипарыслö: «Вайöтöм еврей отсасисьыт вовлiс серавны ме вылын. Сэк ме пондi горöтлыны. Сiя колис паськöмсö ме дынö, ачыс пышшис». Пöтипар кывзöм иньсö, синнэсис би пондöм чеччыны. Сiя Öсипсö пуксьöтöм.
Лоöм 37:36, 39:1-20
*а öксу – князь, царь
26 
