Choose Language
Choose Old Testament Story
Choose New Testament Story
Ной зоннэзлöн шогмас уна челядь. Нысянь му пасьта лоас уна мöдiк отир. Öврамыс вöлöм Ной увтырись. Нимыс вежöртöтö: «уна отирлöн ай». Сiя öддьöн радейтас Енсö, быдöс керöм Ен кыв сьöртi. Ен шуöм: сiя Менам ёрт. Гижöтын*а висьталöм: «Кератö кö Менам тшöктöм сьöртi, сэк тiйö – Менам ёрттэз».
Öтпыр Ен висьталас Öврамыслö: «Тэ аслат муись, увтырыт дынiсь, айыт керкуись мун мöдiк муö. Сiйö мусö Ме тэныт мыччала. Тэсянь Ме аркмöта унася уна отирöс. Босьта тэнö, лэбта тэнчит нимтö. Бур кылöн Ме тэнö видза. Бур кылöн касьтыла тэнö бурö пуктiссесö, мыжья тэ йылiсь умöля баитiссесö».
Öврам керас Ен тшöктöм сьöртi. Сiя босьтöм сьöрас Сара иньсö, аслас вонлiсь Лот нима зонсö, овтöн öктöм быдöс пажытьсö. Босьтöм сьöрас отсалiссезöс. Нiя петасö туйö, иньдöтчасö Енöн мыччалöм Канаан муö. Кузь вöлöм туйыс. Нiя локтасö тыпуэз*б быдманiн дынö. Сэтчин Ен мыччасьöм Öврамыслö, шуöм: «Тэнат увтырлö Ме сета этнö муэсö».
Лоöм 12:1-7
*а Гижöт – Писание
*б тыпу – дуб
18 
