Choose Language
Choose Old Testament Story
Choose New Testament Story
Ной керöм быдöс Еныс кыв сьöртi. Пыжыс вöлi лöсьöтöм. Ен шуас Нойлö: «Пыр аслат увтырöн пыжас. Тэ эд Ме одзын сöстöм сьöлöма. Босьт сьöрат быд сöстöм подаись сизим гозöн, сэрпöсь подаись – кык гозöн. Кай-пöткасö босьт сизим гоз. Ась му вылас одзлань йылас кай-подаыс. Сизим лун бöртi Ме понда кисьтны му вылас зэр нёльдас лун, нёльдас ой. Ме орöта му вылiсь быдöс ловьясö».
Ной керас Ен тшöктöм сьöртi. Сiя пырöм ыджыт пыжас иньыскöт, зоннэскöт, ны инькаэзкöт. Босьтöм сьöрас сизим гозöн сöстöм подаись, кык гозöн сэрпöсь подаись. Быдöнныс пырасö пыжас. Ны бöрсянь ыбöссö пöдналöм Ачыс Еныс.
Сизим лун бöртi пондöм ковйыны-кисьтны ыджыт зэр. Ваыс ыждас. Сiя лэбтас пыжсö. Пыжыс пондöм уявны ва вылöттяс. Ваыс содöм, вöтьöм быдöс вылынся-вылын керöссэсö. Мувывся ловьяыс: отир, пода, кынöмнысö кыскалiсь быдпöлöс виклясись-котрасиссез, кай-пöтка быдöс кулас. Быдöс öшас. Кольччöм дзир Ной пыжын пукалiссескöт.
Лоöм 7:1-23
14 
