Choose Language
Choose Old Testament Story
Choose New Testament Story
Öтпыр Адамыс Еваыскöт абу кывзiсьöмась Енсö. Сэк Ен вашöтас нiйö райсис. Вöлöм сiдз: Ен лэдзас нылö раяс сёйны быдкодь пу вылiсь быдмассэз. Оз тшöкты сёйны дзир öтiк пу вылiсь. Сiя вöлöм бурсö умöлькöт тöдмалан пу. Ен висьталас нылö: «Одö кö кывзö, кулатö». Енлö отиркöт паныт сувтöм Куль. Сiя тай Адамсö Еваыскöт лöсьöтчöм ылöтны. Öтпыр Кульыс кӧйсö*а сибöтас Ева дынö. Сы пыр Кульыс шуöм Еваыслö: «Висьталiс я Ен тiянлö: райын пуэз вылiсь пö эд сёйö?» Ева шуас паныт: «Быдöс пуэз вылiсь мийö вермам сёйны. Рай шöрас тай быдмö пу, дзир сы вылiсь Ен эз лэдз сёйны. Сёям кö, кулам пö». Кöйыс бöбöтлöмöн висьталöм Еваыслö: «Одö кулö. Ен тöдö: сёят кö сiя пу вылiсь, оссясö тiян синнэзныт. Сiя лунсянь Ен моз пондатö тöдны бурсö умöльнас».
Инька казялöм кытшöм пуыс басöк. Позяс пö сёйны сы вылiсь быдмассэсö – шуӧм аслыс инька. Сiя мöдöм Ен моз уна тöдны. Ева судзöтас пу вылiсь быдмассö, сёяс сiйö. Сэсся сетас сёйны Адамлö. Сэк Еныс сылö висьталöм: «Тэ кывзiн аслат инькалiсь, сёйин быдмассö эта пу вылiсь. Тэ кузя муыс лоас ёрдöм. Тэ пондан сирньылöмын пессьыны-уджавны му вылас аслат кынöм понда. Медбöрын пöртчан муö. Сэтiсь Ме тэнö аркмöтi». Басöк пуйöрсис Адамсö Еваыскöт Еныс вашöтöм. Нылö сэтчö сэсся абу туйöм бертны.
Сiдз медодзза отир пырасö умöльö.
Лоöм 3:1-23
*a кöй – змей
10 
