Choose Language
New Testament Books
view with a second Bible
| Uz’ Zavet vepsän kelel | World English Bible |
JEVANGELII LUKAN MUGAH | Luke |
Chapter 1 | Chapter 1 |
| 1Äjad oma tartunuded töhö i kirjutanuded neniden azjoiden polhe, kudambad oliba levedas tetabad meiden keskes. | 1Since many have undertaken to set in order a narrative concerning those matters which have been fulfilled among us, |
| 2Hö kirjutiba muga, kut oma sanunuded meile ned, kudambad ezmässai nägiba ičeze sil'mil kaiken i saneliba Jumalan sanan polhe. | 2even as those who from the beginning were eyewitnesses and servants of the word delivered them to us, |
| 3Muga minä-ki, konz olin ezmässai tedustelnu kaiken, pätin tehta tarkan starinan i kirjutada sel'ktas sinun täht, korgedarvokaz Feofil, | 3it seemed good to me also, having traced the course of all things accurately from the first, to write to you in order, most excellent Theophilus; |
| 4miše tedaižid: openduz, kudamban sinä oled sanu, om tozi. | 4that you might know the certainty concerning the things in which you were instructed. |
| 5Irodan, Judejan kunigahan, aigan eli pap Zaharia, kudamb oli Avian papkundaspäi. Hänen ak Elisaveta-ki oli Aaronan heimokundaspäi. | 5There was in the days of Herod, the king of Judea, a certain priest named Zacharias, of the priestly division of Abijah. He had a wife of the daughters of Aaron, and her name was Elizabeth. |
| 6Hö molembad oliba Jumalan edes oiktad i eliba vigatomin Ižandan kaikiden käsköiden i sanoiden mödhe. | 6They were both righteous before God, walking blamelessly in all the commandments and ordinances of the Lord. |
| 7No lapsid heil ei olend, sikš ku Elisaveta ei voind-ki sada last, i hö molembad oliba jo vanhad. | 7But they had no child, because Elizabeth was barren, and they both were well advanced in years. |
| 8Erasen päivän, konz oli Zaharian papkundan aig, hän oli tehmas papin radod Jumalan edes. | 8Now while he executed the priest’s office before God in the order of his division, |
| 9Kut kaiken, tactihe arbad papiden radon polhe, i Zahariale tuli mända Ižandan pühäkodihe tehmaha pühäd savud. | 9according to the custom of the priest’s office, his lot was to enter into the temple of the Lord and burn incense. |
| 10Hän mäni sinna, a sur' rahvazkogo oli necen aigan irdal loičmas. | 10The whole multitude of the people were praying outside at the hour of incense. |
| 11Siloi Zahariale ozutihe Ižandan angel oiktal polel altarišpäi, kus polttihe pühäd savud. | 11An angel of the Lord appeared to him, standing on the right side of the altar of incense. |
| 12Nägištades angelad Zaharia lujas pöl'gästui, i händast sebazi varaiduz. | 12Zacharias was troubled when he saw him, and fear fell upon him. |
| 13No angel sanui hänele: «Ala varaida, Zaharia. Sinun loičend om kulištadud, sinun ak Elisaveta sündutab sinei poigan, i sinei tarbiž antta hänele nimi Joan. | 13But the angel said to him, “Don’t be afraid, Zacharias, because your request has been heard, and your wife, Elizabeth, will bear you a son, and you shall call his name John. |
| 14Hän tob sinei äjan ihastust, i äjad mehed ihastuba, miše hän sündub. | 14You will have joy and gladness; and many will rejoice at his birth. |
| 15Hän linneb suren mehen Ižandan sil'miš. Vinad i vägevid jomid hän ei joškande. Jo maman kohtus hän linneb täuz' Pühäd Henged. | 15For he will be great in the sight of the Lord, and he will drink no wine nor strong drink. He will be filled with the Holy Spirit, even from his mother’s womb. |
| 16Hän pördutab äjid Izrail'an rahvahid Ižandaha, heiden Jumalaha. | 16He will turn many of the children of Israel to the Lord, their God. |
| 17Hän astuškandeb Iljan henges i väges edel Ižandad, hän käraudab tatoiden südäimed lapsihe i abutab kundlematomile mehile meletada tozioiktoiden kartte, miše vaumištada rahvast Ižandan tulendan täht.» | 17He will go before him in the spirit and power of Elijah, ‘to turn the hearts of the fathers to the children,’ and the disobedient to the wisdom of the just; to prepare a people prepared for the Lord.” |
| 18Zaharia küzui angelal: «Kuspäi voin teta, miše ninga linneb? Ved' minä olen jo vanh, minun ak-ki om vanh.» | 18Zacharias said to the angel, “How can I be sure of this? For I am an old man, and my wife is well advanced in years.” |
| 19Angel sanui: «Minä olen Gavriil, minä seižun Jumalan edes. Mindai oigetihe sinunnoks tomha necidä hüväd vestid. | 19The angel answered him, “I am Gabriel, who stands in the presence of God. I was sent to speak to you, and to bring you this good news. |
| 20No sinä tegetoi nügüd' keletomaks i ed voiškande pagišta sihesai, kuni tuleb se päiv, konz nece linneb, sikš ku ed uskond minun sanoihe, kudambad ičeze aigan tegesoiš todeks.» | 20Behold, you will be silent and not able to speak, until the day that these things will happen, because you didn’t believe my words, which will be fulfilled in their proper time.” |
| 21Rahvaz varasti Zahariad, i kaik čududelihe, mikš hän om muga pit'kha jänu pühäkodihe. | 21The people were waiting for Zacharias, and they marveled that he delayed in the temple. |
| 22Konz hän tuli irdale, hän ei voind pagišta, i hö el'genziba, miše pühäkodiš hänele mi-se ozutihe. Hän vaiše ozuteli heile käzil i jäi keletomaks. | 22When he came out, he could not speak to them, and they perceived that he had seen a vision in the temple. He continued making signs to them, and remained mute. |
| 23Konz Zaharian aig rata pühäkodiš oli lopnus, hän pördihe kodihe. | 23When the days of his service were fulfilled, he departed to his house. |
| 24Päliči miččes-se aigas hänen ak Elisaveta kohtištui. Viž kud Elisaveta oli peitnus rahvahan sil'mišpäi kodihe. Hän sanui: | 24After these days Elizabeth, his wife, conceived, and she hid herself five months, saying, |
| 25«Ižand om minei necen tehnu. Hän om kacnu minuhu i päzutanu mindai huiktaspäi rahvahan edes.» | 25“Thus has the Lord done to me in the days in which he looked at me, to take away my reproach among men.” |
| 26Konz Elisaveta oli kudendel kul, Jumal oigenzi angelan Gavriilan Galilejan lidnaha, Nazaretha, | 26Now in the sixth month, the angel Gabriel was sent from God to a city of Galilee, named Nazareth, |
| 27neičennoks, kudamban nimi oli Maria. Maria oli toivotadud Josifale, kudamb oli Davidan heimokundaspäi. | 27to a virgin pledged to be married to a man whose name was Joseph, of David’s house. The virgin’s name was Mary. |
| 28Angel tuli hänennoks i sanui: «Ole terveh, Maria, ved' sinä oled sanu armoid! Ižand om sinunke! Sinä oled ozavamb toižid naižid!» | 28Having come in, the angel said to her, “Rejoice, you highly favored one! The Lord is with you. Blessed are you among women!” |
| 29Nägištades angelad Maria pöl'gästui i meleti, midä nene tervhensanad voižiba znamoita. | 29But when she saw him, she was greatly troubled at the saying, and considered what kind of salutation this might be. |
| 30No angel sanui hänele: «Ala varaida, Maria, sinä oled sanu armoid Jumalaspäi. | 30The angel said to her, “Don’t be afraid, Mary, for you have found favor with God. |
| 31Sinä tegetoi kohtukahaks i sündutad poigan, i sinä andad hänele nimen Iisus. | 31Behold, you will conceive in your womb, and give birth to a son, and will call his name ‘Jesus.’ |
| 32Hän linneb suren, händast kucuškatas Ülembaižen Poigaks, i Ižand Jumal andab hänele Davidan, hänen ezitatan, valdištmen. | 32He will be great, and will be called the Son of the Most High. The Lord God will give him the throne of his father, David, |
| 33Hän igän vanhemboičeškandeb Jakovan heimokundan päl, hänen valdal ei linne lopud.» | 33and he will reign over the house of Jacob forever. There will be no end to his Kingdom.” |
| 34Maria küzui angelal: «Kut nece voib olda? Minä olen völ koskmatoi.» | 34Mary said to the angel, “How can this be, seeing I am a virgin?” |
| 35Angel sanui: «Pühä Heng tuleb sinuhuiž, Ülembaižen vägi peitäb sindai ičeze pil'vesehe. Sikš mugažo laps', kudamb sündub, linneb pühän i händast kucuškatas Jumalan Poigaks. | 35The angel answered her, “The Holy Spirit will come on you, and the power of the Most High will overshadow you. Therefore also the holy one who is born from you will be called the Son of God. |
| 36I völ nece: Sinun heimolaine Elisaveta, kudambad sanutas plodutomaks, om kohtištunu vanhoil päivil i sündutab poigan. Hän om kudendel kul. | 36Behold, Elizabeth, your relative, also has conceived a son in her old age; and this is the sixth month with her who was called barren. |
| 37Ved' ei ole nimidä, midä Jumal ei voiži tehta.» | 37For nothing spoken by God is impossible.” |
| 38Siloi Maria sanui: «Minä olen Ižandan orj. Olgha minei muga, kut sanuid.» I angel läksi hänennopäi. | 38Mary said, “Behold, the servant of the Lord; let it be done to me according to your word.” The angel departed from her. |
| 39Päliči erases päiväs Maria rigol läksi erasehe lidnaha, kudamb oli Judejan mägištol. | 39Mary arose in those days and went into the hill country with haste, into a city of Judah, |
| 40Hän mäni Zaharian pert'he i sanui tervhensanoid Elisavetale. | 40and entered into the house of Zacharias and greeted Elizabeth. |
| 41Konz Elisaveta kulišti Marian tervhensanan, laps' hänen kohtus hüppähti, i Pühä Heng täuti Elisavetad. | 41When Elizabeth heard Mary’s greeting, the baby leaped in her womb, and Elizabeth was filled with the Holy Spirit. |
| 42Hän kirgouzi komedal änel i sanui: «Blahoslovidud sinä oled naižiden keskes i blahoslovidud om laps' sinun kohtus! | 42She called out with a loud voice, and said, “Blessed are you among women, and blessed is the fruit of your womb! |
| 43Kut nece muga om tehnus, miše minun Ižandan mam tuli minunnoks? | 43Why am I so favored, that the mother of my Lord should come to me? |
| 44Konz minä kulištin sinun tervhensanan, laps' hüppähti ihastusiš minun kohtus. | 44For behold, when the voice of your greeting came into my ears, the baby leaped in my womb for joy! |
| 45Ozav oled sinä, kudamb oled usknu! Se toivotuz, kudamban om andnu sinei Ižand, todenzub!» | 45Blessed is she who believed, for there will be a fulfillment of the things which have been spoken to her from the Lord!” |
| 46Siloi Maria sanui: — Kaikes südäimespäi minä ülenzoitan Ižandad, | 46Mary said, “My soul magnifies the Lord. |
| 47i minun heng om ihastunu Jumalan, minun Päzutajan täht. | 47My spirit has rejoiced in God my Savior, |
| 48Hän om käraudanu ičeze sil'mäd minuhu, hänen penhe orjaha. Neciš aigaspäi kaik rahvahan sugupol'ved kucuškandeba mindai ozavaks, | 48for he has looked at the humble state of his servant. For behold, from now on, all generations will call me blessed. |
| 49sikš ku vägekaz Jumal om tehnu minei surid tegoid. Hänen nimi om pühä. | 49For he who is mighty has done great things for me. Holy is his name. |
| 50Sugupol'vespäi sugupol'vehe hänen armahtuz om nenile, ked händast varaidaba. | 50His mercy is for generations of generations on those who fear him. |
| 51Hänen käzi om tehnu vägevid tegoid, hän om küksnu kaikihe polihe nenid, ked ülendelihe ičeze südäimiš. | 51He has shown strength with his arm. He has scattered the proud in the imagination of their hearts. |
| 52Hän om küksnu valdanpidäjid heiden ištmišpäi i lendanu alembaižid. | 52He has put down princes from their thrones. And has exalted the lowly. |
| 53Näl'ghižile hän om andnu äi hüväd, a elokahid om oigendanu tühjil käzil tägäpäi. | 53He has filled the hungry with good things. He has sent the rich away empty. |
| 54Hän om pidänu hol't Izrail'as, ičeze käskabunikas, hän om muštnu ičeze rahvahan i ozutanu armahtust | 54He has given help to Israel, his servant, that he might remember mercy, |
| 55Avraamale i hänen heimokundale igän, muga kut hän om toivotanu ezitatoile. | 55as he spoke to our fathers, to Abraham and his offspring forever.” |
| 56Maria oli adivoiš Elisavetanno läz koumed kud i pördihe jäl'ges ičeze kodihe. | 56Mary stayed with her about three months, and then returned to her house. |
| 57Elisavetan sündutandaig tuli, i hän sünduti poigan. | 57Now the time that Elizabeth should give birth was fulfilled, and she gave birth to a son. |
| 58Konz susedad i ičhižed kulištiba, miččen suren armahtusen Ižand om andnu hänele, hö ihastuiba ühtes hänenke. | 58Her neighbors and her relatives heard that the Lord had magnified his mercy toward her, and they rejoiced with her. |
| 59Kahesanden päivän hö kogozihe, miše prihaižele tehta ümbrileiktuz, i tahtoiba antta hänele tatan nimen Zaharia, | 59On the eighth day, they came to circumcise the child; and they would have called him Zacharias, after the name of his father. |
| 60no hänen mamaze sanui: «Ei, händast kucuškatas Joan.» | 60His mother answered, “Not so; but he will be called John.” |
| 61No hö sanuiba hänele: «Ved' sinun rodus nikenel ei ole mugošt nimed.» | 61They said to her, “There is no one among your relatives who is called by this name.” |
| 62Hö küzuiba tatal käzil ozutaden, miččen nimen hän tahtoiži antta lapsele. | 62They made signs to his father, what he would have him called. |
| 63Zaharia pakiči kirjutuzlaudan i kirjuti: «Hänen nimi om Joan.» Kaik čududelihe. | 63He asked for a writing tablet, and wrote, “His name is John.” They all marveled. |
| 64Sid'-žo Zaharian kel' välleni, i hän zavodi kitta Jumalad. | 64His mouth was opened immediately, and his tongue freed, and he spoke, blessing God. |
| 65Varaiduz sebazi kaikid ümbri eläjid, i necen polhe pagižeškatihe kaikjal Judejan mägištol. | 65Fear came on all who lived around them, and all these sayings were talked about throughout all the hill country of Judea. |
| 66Ned, kudambad necen kuliba, paniba kaiken muštho i sanuiba: «Ken neciš lapsespäi tuleb?» Hö el'genziba, miše Ižandan käzi kaiči händast. | 66All who heard them laid them up in their heart, saying, “What then will this child be?” The hand of the Lord was with him. |
| 67Zaharia, lapsen tat, täutihe Pühäl Hengel i endustaškanzi mugomil sanoil: | 67His father, Zacharias, was filled with the Holy Spirit, and prophesied, saying, |
| 68 — Olgha kittud Ižand, Izrail'an Jumal! Armahtaden hän om kacnu ičeze rahvahaze i pästnu sidä valdale. | 68“Blessed be the Lord, the God of Israel, for he has visited and redeemed his people; |
| 69Vägekahan päzutajan hän om oigendanu meile ičeze käskabunikan Davidan heimokundaspäi, | 69and has raised up a horn of salvation for us in the house of his servant David |
| 70muga kut hän oli toivotanu ičeze amu elänuziden pühiden sanankandajiden kal't. | 70(as he spoke by the mouth of his holy prophets who have been from of old), |
| 71Hän om pästnu meid valdale vihanikoiden käzišpäi, i kaikiden pahoiden mehiden käzišpäi. | 71salvation from our enemies, and from the hand of all who hate us; |
| 72Muga hän om armahtanu meiden tatoid, pidänu meles pühän kožmusen, kudamban hän tegi, | 72to show mercy toward our fathers, to remember his holy covenant, |
| 73sen vahvan sanan, kudamban hän meiden tatale Avraamale andoi. | 73the oath which he swore to Abraham, our father, |
| 74Muga mö olem vihanikoiden käzišpäi päzunuded valdale i voim varaidmata služida hänele | 74to grant to us that we, being delivered out of the hand of our enemies, should serve him without fear, |
| 75pühin i todesižin hänen edes meiden elon kaik päiväd. | 75in holiness and righteousness before him all the days of our life. |
| 76I sindai, laps', kucuškatas Ülembaižen sanankandajaks. Sinä astuškanded edel Ižandad i teged vaumhikš hänele ted. | 76And you, child, will be called a prophet of the Most High, for you will go before the face of the Lord to prepare his ways, |
| 77Sinä sanud hänen rahvahale, miše hö saba päzutandan, ku hän pästab heiden grähkäd. | 77to give knowledge of salvation to his people by the remission of their sins, |
| 78Muga meiden Jumal hüväsüdäimeližen oldes žalleičeb meid. Korktas taivhaspäi om tulnu meidennoks päivän nouzend. | 78because of the tender mercy of our God, by which the dawn from on high will visit us, |
| 79Se loštab pimedas i surman pil'veses eläjile, se oigendab meiden jaugad kožmusen tele. | 79to shine on those who sit in darkness and the shadow of death; to guide our feet into the way of peace.” |
| 80Laps' kazvoi i vahvištui henges. Hän oli rahvahatomas mas sihe päivhäsai, kuni hänele tuli aig mända Izrail'an rahvahannoks. | 80The child was growing, and becoming strong in spirit, and was in the desert until the day of his public appearance to Israel. |
Chapter 1
