Choose Language
Old Testament Books
New Testament Books
view with a second Bible
1Инмысь мон мукетсэ туж бадӟым, паймымон тодметэз адӟи: сизьым Кылчинъёсты. Соослэн киязы берпуметӥосыз сизьым вӧсь каронъёс вал, та вӧсь каронъёсын Инмарлэн йыркуръяськонэз йылпумъяське.
2Мон адӟи пияла выллем тылын сураськем зарезез. Пияла зарезь вылын сыло вал пӧйшурез но солэсь тусбуйзэ-суредзэ, солэсь пуссэ, солэн нимызлэсь лыдпуссэ вормисьёс. Соос Инмарлэсь крезьёссэ киязы кутыса сылӥзы.3Инмарлэн ляльчиезлэсь Моисейлэсь кырӟанзэ, Ыжпилэсь кырӟанзэ, тазьы вераса, соос кырӟазы:
«Туж бадӟымесь, паймымонэсь Тынад ужъёсыд,
Дунне Кутӥсь Инмар Кузё-Инмаре!
Шонерлыкоесь, зэмлыкоесь Тынад сюресъёсыд,
вӧсяськись калыклэн Эксэез!
4Кузё-Инмаре, кин Тынэсьтыд уз кышка,
Тынэсьтыд нимдэ уз данъя?
Уго Тон одӥгнад дун-сьӧлыктэм.
Вань калыкъёс лыктозы но Тон азе йыбырттозы,
уго Тынад шонерлыко ужъёсыд усьтӥськизы».
5Та бере мон учки но, тани, адӟисько: Инмысь ивортон скиниялэн храмез усьтӥськиз.6Соку храмысь сизьым Кылчинъёс потӥзы. Соослэн киязы сизьым вӧсь каронъёс вал. Соос чылкыт, тӧдьы етӥн дӥськутэн дӥсяськемын, мӧля вылзы зарни кускерттонэн думемын вал.7Улэп макеос пӧлысь одӥгез сизьым Кылчинъёслы сизьым зарни чашаосты сётъяз, – пумтэм вапумъёс ӵоже улӥсь Инмарлэн вожпотонэныз тырмытэм чашаосты.8Соку храм Инмарлэн пиштӥсь данлыкезлэн, Солэн кужымезлэн ӵыныныз пачылмиз. Сизьым Кылчинъёслэн ваем сизьым вӧсь каронъёссы бырытозь, нокинлэн но храме пыремез ӧз ни луы.
Глава 15
