Choose Language
Old Testament Books
New Testament Books
1Священникъёс, тае кылзэ, израиль калык, тае санэ пон,
эксэй выжы, пельдэ мыкырты;
уго тӥледлы суд луоз,
малы ке шуоно Массифаын тӥ лушкем гу кадесь вал,
Фаворе вӧлъям казь кадесь вал.
2Азыса-калгыса улонлэн гуаз пыдло выйизы ни;
но Мон соосты ваньзэс вӧсь каро.
3Ефремез Мон тодӥсько, Израиль но Мынэсьтым ватӥськемын ӧвӧл;
уго тон, Ефрем, азыса-калгыса улӥськод, Израиль саптаськиз.
4Соослэн ужъёссы Инмарзы пала берытскыны уг лэзё, уго азыса-калгыса улонлэн духез соослэн пушказы улэ, Кузё-Инмарез соос ӧз тодэ.5Соослэн син азязы Израильлэн данъяськонэз улӥ каремын; Израиль но, Ефрем но сьӧлыклэсь кышкатэк улэмзы понна усёзы, Иуда но соосын ик валче усёз.6Ыжъёсынызы но, ошъёсынызы но соос Кузё-Инмарез утчаны мынозы, уз шедьтэ Сое; Со соос дорысь палэнскоз.7Кузё-Инмар бордысь соос палэнскизы, малы ке шуоно мурт выжы кышноосын нылпиоссы вордскылӥзы; табере выль толэзь сиёз соосты ваньбуренызы валче;
8Сюрен пелляса шудэ Гиваын, гумыен пеллялэ Рамаын;
тодытэ Беф-Авенын: «тон доры черод вуоз, Вениамин!»
9Ефрем кыр дуннелы пӧрмоз вӧсь карон нуналэ; Израиль выжыослы Мон зэмлыкез ивортӥ.10Иудалэн азьветлӥсьёсыз межаосты интыысьтызы вошъясьёслы укшаны кутскизы; соос вылэ йыркурме вуэз кадь кисьто.11Ултӥямын Ефрем, судэн погыртэмын; уго ӧвӧлтэм, кулэтэм макеос сьӧры ветлэмез потӥз.
12Ефрем понна кей кадь луо, Иуда юрт понна нумыр кадь луо.
13Ефрем адӟиз аслэсьтыз висёнзэ, Иуда – аслэсьтыз яразэ;
Ефрем Ассур доры мынӥз, Иарев эксэй доры адямиоссэ ыстӥз;
но со тӥледыз бурмытыны уз быгаты, ярадэс но уз йӧнаты.
14Мон Ефрем понна лев кадь, Иуда юрт понна левпи кадь;
Мон кесяло но кошко, нуо – нокин но уз утьы.
15Мыно, Аслам интыям берытско,
асьсэлэсь янгыш луэмзэс шара вератозязы,
Мынэсьтым ымнырме утчаны кутскытозязылы.
Глава 5
