Bible
Choose Language
Old Testament Books
New Testament Books
ПСАЛТИРЬ
98-тӥ ПСАЛОМ
[Давидлэн крезьгурез.]
1Кузё-Инмар эксэй пуконын пуке – калыкъёс мед куалекъялозы!
Со херувимъёс вылын пуке – музъем мед зуркалоз!
2Сӥонысь Кузё-Инмар быдӟым, вань калыкъёс понна Со вылӥын.
3Тынэсьтыд быдӟым нимдэ мед данъялозы:
дун-чылкыт но кышкыт со!
4Эксэйлэн кужымез шонер судэз яратэ.
Ӧрекчаськытэк улонэз Тон юнматӥд;
Иаков бордын Тон шонерлыко суддэ возьматӥськод.
5Кузё-Инмарез, асьмелэсь Инмармес, данъялэ,
Солэн пыд выжыяз йыбырттэлэ: дун-чылкыт со!
6Священникъёсыз пӧлысь Моисей но Аарон,
вӧсяськись калык пӧлысь Самуил
Кузё-Инмарлы вазиськылӥзы но, Со соосты санэ понӥз.
7Пилем юбоысен соослы Со вераз;
соослы сётэм курон-косонъёсты, законэз соос утизы.
8Кузё-Инмаре, милям Инмармы!
Тон соослэсь вӧсяськемзэс кабыл басьтӥд, сьӧлыкъёссэс куштӥд,
нош урод ужъёссы понна пунэмзэ берыктӥд.
9Кузё-Инмарез, асьмелэсь Инмармес, данъялэ,
Солэн святой гурезяз йыбырттэлэ;
уго дун-сьӧлыктэм Кузё-Инмар, асьмелэн Инмармы.
Глава 98
