Bible
Choose Language
Old Testament Books
New Testament Books
ПСАЛТИРЬ
126-тӥ ПСАЛОМ
Вылӥе тубыку кырӟан. Соломонлэн крезьгурез.
1Кузё-Инмар коркаез ӧз ке пукты, юнме ужало сое лэсьтӥсьёс.
Кузё-Инмар городэз ӧз ке утьы, юнме сак уло возьмаськисьёс.
2Юнме тӥ вазь султӥськоды, берозь пукиськоды,
кайгу нянез сииськоды;
Аслаз яратоно муртэзлы со дыре Со кӧлыны ум сётэ.
3Кузё-Инмарлэн сётэм люкетэз – нылпиос;
Кузё-Инмарлэн кузьымез – кӧтпушлэн емышез.
4Батырлэн киысьтыз ньӧлъёс кадесь егит дырлэн пиосыз.
5Шудо адями, кудӥз ньӧл нуллон сепыссэ соосын тырмытӥз!
Капка азьын тушмонъёсын вераськыкузы, соос возьытэ уз кыле.
Глава 126
