Bible
Choose Language
Old Testament Books
New Testament Books
ПСАЛТИРЬ
123-тӥ ПСАЛОМ
Вылӥе тубыку кырӟан. Давидлэн крезьгурез.
1Кузё-Инмар милемын ӧй ке луысал – мар луысал?
Израиль тазьы мед шуоз:
2«Кузё-Инмар милемын ӧй ке луысал, ми вылэ адямиос урдскыку,
3ми вылэ йыркурзы ӝуатскыку,
милемыз соос улэпкынымы ньылысалзы.
4Вуос милемыз ӝокатысалзы,
лулмы вылтӥ вуос ӧръяськыса кошкысалзы.
5Лулмы вылтӥ бугыръяськись вуос кошкысалзы».
6Данлыко Кузё-Инмар!
Со милемыз тушмонъёслэн пинь улазы сиёнлы ӧз сёты.
7Пӧйшурасьёслэн нальыкысьтызы, тылобурдо выллем,
лулмы мозмытскиз,
нальык чигтэмын – ми мозмытскимы.
8Инэз но музъемез кылдытӥсь Кузё-Инмар луэ милям юрттӥсьмы.
Глава 123
