Bible
Choose Language
Old Testament Books
New Testament Books
ПСАЛТИРЬ
2-тӥ ПСАЛОМ
Давидлэн крезьгурез.
1Малы калыкъёс бугыръясько,
калык выжыос ярантэм уж лэсьтыны ӧдъяло?
2Музъем выл эксэйёс ӝутӥсько,
кивалтӥсьёс Кузё-Инмарлы пумит карисько,
Солэн Вӧйын Зырӟыса Пуктэмезлы пумит
куспазы кенеш ортчытыса шуо:
3«Пазьгоме соослэсь зӥбетсэс, куштоме вылысьтымы сьӧлтэтсэс».
4Инмын Пукись соосты серекъялоз,
Кузё-Инмар соосты возьытэ вуттоз.
5Ас йыркуреныз соосты куалекъятоз, вожез потыку, соослы шуоз:
6«Сӥонэ, Аслам святой гурезям, вӧйын зырӟыса, Эксэйме пуктӥ».
7Кузё-Инмарлэсь пуктонзэ иворто, Со Мыным шуиз:
«Тон Мынам Пие, туннэ Мон Тонэ вордскытӥ.
8Кур Мынэсьтым, Мон калыкъёсты Тыныд люкетлы сёто,
пумысеныз пумозяз музъемез Тынад киулад сёто.
9Корт бодыеныд Тон соосты пазьгод,
горшокез кадь соосты пыргытод».
10Озьыен, визьмаське, эксэйёс, валатске, музъем выл судьяос!
11Кузё-Инмарлы кышканэн тыршыса ужалэ,
сюлэмды куалекъяса, [Со азьын] шумпотэлэ.
12Со вожзэ медаз потты, сюрес вылады медад быре шуыса,
Пиез сӥлы карелэ, уго солэн вожпотонэз ӝоген ӝуатскоз.
Ваньмыз Солы оскиськыса улӥсьёс шудоесь.
Глава 2
