Choose Language
Old Testament Books
New Testament Books
1Эксэй Аманэн ӵош Есфирь эксэй кышно доры сиыны-юыны лыктӥзы.2Эксэй Есфирьлы юонлэн кыкетӥ нуналаз но тазьы ик вераз: «Эксэй кышно, Есфирь, мае тынад мылыд-кыдыд кулэ каре? Со быдэстэмын луоз, кыӵе тынад куронэд? Ӝыны эксэйлыкез но курид ке, куронэд быдэстэмын луоз».3Ответ сётыса, эксэй кышно, Есфирь, тазьы шуиз: «Тынад син азяд, эксэй, ярамон адями мон луиськем ке, эксэйлы ярамон ке, соку мынэсьтым мылкыд каронме, куронме быдэсты: монэ но, калыкме но улэп кельты!4Уго ми, мон но, мынам калыке но быдтыны, виылыны, быронлы вузамын. Ляльчи, ляльчи кышно луыны ми вузамын луысалмы ке, мон чус улысал, тушмон эксэйлэн изъян адӟемез понна солы мед-кузьым ӧй ке но сётысал».
5Соку Артаксеркс эксэй Есфирь эксэй кышнолы ответ сётыса шуиз: «Кин со сыӵе, кытын со таӵе малпан пыртыны дӥсьтӥсь мурт?»6Есфирь шуиз: «Со тушмон, синазькыль карись мурт – лек сюлэмо Аман!» Соку Аман эксэй азьын, эксэй кышно азьын куалекъяны кутскиз.7Юон пӧлысь эксэй лекомыса султӥз но эксэй юрт вӧзысь садэ потӥз; нош Аман, улонзэ медаз быдтэ шуыса, Есфирез сюлворыны кылиз, уго со адӟиз ини, солы лек адӟон эксэй дасяз шуыса.
8Эксэй юрт вӧзысь садысь эксэй юон корка берытскем бере Аман Есфирьлэн пукон интыяз ымныр вылаз выдыса кылле вал. Соку эксэй шуиз: «Мынам коркам эксэй кышноез эшшо ке мыскылляны малпам!» Эксэй кыл вераз гинэ но, соку ик Аманлэсь ымнырзэ шобыртӥзы.9Эксэй бордысь одӥгез евнух, Харбона, шуиз: «Тани Аманлэн эксэй сярысь ӟеч кылъёс верась Мардохейлы дасям писпуэз, со Аманлэн корка дораз сылэ, ӝуждалаез витьтон гырпум ӝужда». Соку эксэй шуиз: «Со борды оше тае».10Мардохейлы дасям писпу бордаз Аманэз ассэ ошизы. Эксэйлэн вожпотонэз буйгаз.
Глава 7
