Choose Language
Old Testament Books
New Testament Books
1Тани Адамлэсь выжыоссэ гожъян: Инмар, адямиез кылдытыкуз, Инмарлы укшатыса сое кылдытӥз,2пиосмуртэн кышномуртэз кылдытӥз, бакель кариз, соосты кылдытон нуналэ соослы ним сётӥз: адями.
3Адам сю куамын [230] аресэ вуэм бере солэн аслыз укшась [пиез] вордӥськиз, солы Сӥф ним сётӥз.4Сӥф вордӥськем бере Адам тямыс сю [700] ар улӥз на, солэн пиосыз, нылъёсыз вордӥськизы на.5Ваньзэ-ӧвӧлзэ Адам укмыс сю куамын ар улӥз, собере со кулӥз.
6Сӥфлы сю вить [205] арес тырмем бере солэн Енос пиез вордӥськиз.7Енос вордӥськем бере Сӥф тямыс сю сизьым [707] ар улӥз, солэн пиосыз, нылъёсыз вордӥськизы.8Ваньзэ-ӧвӧлзэ Сӥф укмыс сю дас кык ар улӥз; собере со кулӥз.
9Енослы укмыстон [190] арес тырмем бере солэн Каинан пиез вордӥськиз.10Каинан вордӥськем бере Енос тямыс сю дас вить [715] ар улӥз, солэн пиосыз, нылъёсыз вордӥськизы.11Ваньзэ-ӧвӧлзэ Енос укмыс сю вить ар улӥз; собере со кулӥз.
12Каинанлы сизьымдон [170] арес тырмем бере солэн Малелеил пиез вордӥськиз.13Малелеил вордӥськем бере Каинан тямыс сю ньыльдон [740] ар улӥз, солэн пиосыз, нылъёсыз вордӥськизы.14Ваньзэ-ӧвӧлзэ Каинан укмыс сю дас ар улӥз; собере со кулӥз.
15Малелеиллы куатьтон вить [165] арес тырмем бере солэн Иаред пиез вордӥськиз.16Иаред вордӥськем бере Малелеил тямыс сю куамын [730] ар улӥз, солэн пиосыз, нылъёсыз вордӥськизы.17Ваньзэ-ӧвӧлзэ Малелеил тямыс сю укмыстон вить ар улӥз; собере со кулӥз.
18Иаредлы сю куатьтон кык арес тырмем бере солэн Енох пиез вордӥськиз.19Енох вордӥськем бере Иаред тямыс сю ар улӥз, солэн пиосыз, нылъёсыз вордӥськизы.20Ваньзэ-ӧвӧлзэ Иаред укмыс сю куатьтон кык ар улӥз; собере со кулӥз.
21Енохлы куатьтон вить [165] арес тырмем бере солэн Мафусал пиез вордӥськиз.22Мафусал вордӥськем бере Енох Инмар азьтӥ куинь сю [200] ар ветлӥз, солэн пиосыз, нылъёсыз вордӥськизы.23Ваньзэ-ӧвӧлзэ Енох куинь сю куатьтон вить ар улӥз.24Енох Инмар азьтӥ ветлӥз; бӧрысь сое нокин но ӧз ни адӟы, – Инмар сое Ас дораз басьтӥз.
25Мафусаллы сю тямыстон сизьым арес тырмем бере солэн Ламех пиез вордӥськиз.26Ламех вордӥськем бере Мафусал сизьым сю тямыстон кык ар улӥз, солэн пиосыз, нылъёсыз вордӥськизы.27Ваньзэ-ӧвӧлзэ Мафусал укмыс сю куатьтон укмыс ар улӥз; собере со кулӥз.
28Ламехлы сю тямыстон кык [188] арес тырмем бере солэн пиез вордӥськиз,29пиезлы Ной ним сётӥз; со тазьы шуиз: «Асьмеос ужаку, [Инмарен] Кузё-Инмарен каргам музъемез ас киынымы утялтыкумы, со асьмеды буйгатоз».
30Ной вордӥськем бере Ламех вить сю укмыстон вить [565] ар улӥз, солэн пиосыз, нылъёсыз вордӥськизы.31Ваньзэ-ӧвӧлзэ Ламех сизьым сю сизьымдон сизьым [753] ар улӥз, собере со кулӥз.
32Нойлы вить сю арес тырмем бере Нойлэн [куинь пиосыз] вордӥськизы: Сӥм, Хам но Иафет.
Глава 5
