Bibles in the Fenno-Ugric languages

•   
• Home
• Bible
• Bible Stories
• Audio
• Downloads
• Contact

Bible

Choose Languagevienankarjalakšilivviksevepsän kelel мокшекс эрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Заветаchoose bookabout «Ташта Соткс»IndexDictionariesGenesisExodusProverbs

New Testament Booksabout «Од Соткс»IndexDictionariesMatthewMarkLukeJohnActsJames1 Peter2 Peter1 John2 John3 JohnJudeRomans1 Corinthians2 CorinthiansGalatiansEphesiansPhilippiansColossians1 Thessalonians2 Thessalonians1 Timothy2 TimothyTitusPhilemonHebrewsRevelation

noneEnglishFinnishRussian view with a second Bible

МАРКОНЬ КОРЯС ЕВАНГЕЛИЯ

Chapter 16

Иисусонь вельмамац

1Ваймамань шида меле Магдаласта Мария, Иаковонь тядяц Мария и Саломия рамасть Иисусонь вадендемс питни вай.2И нинге шинь стяма ланга, недляшиня састь калмоть ваксс.3Эсь ётковаст корхтасть: «Кие шашфтсы тейнек калму сувама вастста кевть?»4Тяса няезь: кевсь шаштф; а сон пяк оцюволь.

5Аватне сувасть калму, види ширеса няйсть од цёра, кона щафоль акша щамса; и пяк эводсть.6Од цёрась корхтай тейст: «Тяда пеле. Тинь вешендьсасть Назаретонь Иисусть, конань эськодезь крёз лангс. Сон вельмась, Сон аш тяса. Вага ся вастсь, коза Сон путфоль.7Арда азость Сонь тонафниензонды, Пёторондиге: "Иисус тиндедонт инголи моли Галилеяв; тоса тинь няйсасть Сонь, кода Сон Сонць азозе тейнть"».

8Аватне лиссть и ласькозь тусть калмоста; синь трнатсть и дивандакшнесть, и киндинге мезевок ашесть аза, сяс мес пельсть.

Иисус няфти пря Магдалань Мариянди

9Иисус вельмась варьхмодемшовор недляшиста. Васенда няфтсь пря Магдалань Мариянди, конань потмоста панць сисем кяжи ваймопожфт.10Мария мольсь и азондозе сятненди, конат инголи яксесть Иисусонь мархта, а тяни авардсть и пичедсть инксонза.11Но мзярда марязь: Иисус вельмась и Мария няезе Сонь, – синь тянди ашесть кема.

12Сяда меле Иисус няфтезе прянц лия шамаликса эздост кафттненди, мзярда сят мольсть вели.13Сят мрдасть меки, азондозь лиятненди; но сятнендинге ашесть кема.

Иисус максы тонафнихненди оцюдонга оцю тев: шарфтомс ломаттнень Шкайти

14Тяда меле Иисус няфтсь пря кефкие тонафнихненди, мзярда синь ярхцасть. Иисус апрякась эсост аф кемамаснон и калгода седиснон инкса, мес ашесть кема сятненди, кит няезь Сонь вельмафста.15Сон мярьгсь тейст: «Ётада сембе масторть ланга и азонкшнесть Пара кулять эрь ломанти.16Кие кемай и кстиндафты пря, ся идеви; а кие аф кемай, ся ули судендаф.17Кемайхненди кармайхть тиендевома тяфтама тяштькст: Монь лемсон кармайхть панцемост кяжи ваймопожфнень, корхтама од кяльса,18кядьса сявондемс куйхнень, и кда симихть кодамовок урафтомада, кальдяв тейст аф тиеви. Кармайхть кядьснон путнема сярядихнень лангс, и сят пчкяйхть».

19Синь мархтост тяфта корхнемда меле Иисус Азорсь кепотьфоль менели и озась Шкайть види кядь ширесонза.20А тонафнихне тусть и азонкшнезь Пара кулять сембе вастова. Азорсь лездсь тевсост и кемокснезе синь азондомаснон тяштькснень вельде. Аминь.

 Глава 16