Bible
Choose Language
Old Testament Books
New Testament Books
ЕРЕМЕЙ ПРОРОКЛÖН НЕБÖГ
45 юр
Баруклы Господьсянь кӧсйысьӧм
1 Иудаса Ехояким ӧксылӧн, Иосей пилӧн, нёльӧд веськӧдлан воӧ, кор Нирийлӧн Барук пиыс гижис Еремей пророклӧн висьталӧм серти кывъяссӧ гижӧд тубрасӧ, Еремей шуис: 2 «Господь, Израильлӧн Ен, тадзи висьталӧ тэныд, Барук:3 ”Тэ шуан, меным пӧ курыд шог, ӧд Господь содтіс менам висьӧм дінӧ шог, и аслам ойзӧмысь пӧ мудзи нин, ог аддзы шойччӧгсӧ”.4 Но Господь тшӧктіс меным юӧртны тэныд, мый Сійӧ тадзи висьталӧ: ”Мый Ме лэпті, жугӧда, и мый Ме вужйӧді, нетшка. Вӧча тайӧс став му пасьталаыс.5 Тэ коран аслыд унатор. Дугды корнытӧ, ӧд Ме мӧдӧда шог став йӧзыслы, – висьталӧ Господь, – но тэнсьыд олӧмтӧ Ме видза быдлаын, кытчӧ тэ мунан”».
Глава 45
