Bible
Choose Language
Old Testament Books
New Testament Books
ПСАЛТЫР
97 Псалом
1 [Давидлӧн] псалом. Сьылӧй Господьлы выль сьыланкыв!
Сійӧ вӧчис шензьӧданаторъяс.
Сылӧн веськыд киыс да вежа выныс
вайисны Сылы вермӧмсӧ.
2 Господь петкӧдліс Ассьыс мездӧмсӧ,
восьтіс войтыръяслы Ассьыс веськыдлунсӧ.
3 Сійӧ эз вунӧд [Яковсянь чужысьяс дінӧ] Ассьыс буралӧмсӧ,
петкӧдліс Израиль войтырлы Ассьыс эсканлунсӧ.
Став му пасьтала олысьяс аддзисны,
мый миян Енным мездіс миянӧс.
4 Му вылын олысьяс, гораа ошкӧй Господьӧс,
сьылӧй-гажӧдчӧй да нимкодясьӧй!
5 Сьылӧй Господьлы да ворсӧй гуслиӧн,
ворсӧй гуслиӧн да сьылӧй.
6 Труба да буксан шы улӧ
ошкӧй Господьӧс, миянлысь Ӧксыӧс.
7 Мед шызяс саридзыс да ставыс, мый сэні эм,
мед шызяс муыс да став сэні олысьыс.
8 Мед сёльӧдчасны юяс,
накӧд ӧтвыв мед нимкодясясны керӧсъяс
9 Господь водзын,
ӧд Сійӧ локтӧ мыждыны мусӧ.
Сійӧ кутас веськыда мыждыны муюгыдсӧ,
кутас мыждыны войтыръясӧс Аслас веськыдлуныс серти.
Глава 97
