Bible
Choose Language
Old Testament Books
New Testament Books
ПСАЛТЫР
100 Псалом
1 Давидлӧн псалом. Господьӧй, ме кута сьывны Тэныд ошкӧм,
кута сьывны буралӧмыд да веськыдлуныд йылысь.
2 Ме кӧсъя сӧстӧма овны,
кута овны сӧстӧм сьӧлӧмӧн аслам керкаын.
Кор нин Тэ локтан ме дінӧ?
3 Став шогмытӧмсӧ ме ылыста аслам син водзысь,
лёк вӧчӧмсӧ ме мустӧмта, сійӧ оз ляксьы ме дінӧ.
4 Ме вӧтла ас пытшкысь наян мӧвпъяс,
лёкыскӧд ме ог ӧтувтчы.
5 Аслас матысса вылӧ гусьӧн удтысьысьӧс ме вӧтла ас дінысь,
вылӧ кыпӧдчысьӧс да ышнясьысьӧс ме ог сибӧд.
6 Ме бӧръя аслым эскана йӧзӧс,
мед найӧ вӧліны мекӧд.
Коді олӧ сӧстӧма,
сійӧ кутас кесъявны меным.
7 Ылӧдчысьяс оз кутны овны менам керкаын,
пӧръясьысьяс оз лоны мекӧд орччӧн.
8 Водз асывсянь ме бырӧда лёк вӧчысьясӧс ас му вылысь,
вӧтла Господьлӧн карысь мыж вӧчысьясӧс.
Ошкӧм.
Глава 100
