Choose Language
New Testament Books
view with a second Bible
1Гижӧ Павел, Кристос Исуслӧн апостол. Апостоллісь уджсӧ керны Еныслӧ вӧлі колӧм менӧ сувтӧтны. Тимофей вонӧкӧт2гижам Колосын олісь вежа отирлӧ, Кристос Исуслӧ веритісь воннэзлӧ.3Ен Айнымсянь да Дӧсвидзись Кристос Исуссянь бурсетӧм*а да лӧнь олан*б тіянлӧ!
Тіян понда кеймиканым пыр буркывтам Енсӧ, миян Дӧсвидзись Кристос Исуслісь Айсӧ.4Миянлӧ кывсис Кристос Исуслӧ тіян веритӧм йылісь да быдӧс вежа отирсӧ радейтӧмныт йылісь.5Веритӧмныт да радейтӧмныт тіян эмӧсь сійӧн, мыля тійӧ надейтчат енӧжас лӧсьӧтӧм вылӧ. Сы йылісь тійӧ кыліт Бур Юӧрлісь былись кывсӧ висьтасьӧм коста.6Эта кылыс локтіс тіян дынӧдз и паськалӧ быдсӧн муыс пасьта. Сія быдлаын керӧ ассис уджсӧ да сетӧ воӧмсӧ*г. Эта керсьӧ Бур Юӧрсӧ кылӧмныт лунсянь, кӧр тійӧ пондіт тӧдны Енлӧн бурсетӧм йылісь быльсӧ.7Сійӧ тіянлӧ висьтасис дона Епафрас, кӧда миянкӧт уджалӧ. Сія Кристослӧн надейнӧй кысъялісь*д, уджалӧ тіян дынын.8Сія и вайис миянлӧ тіян радейтӧм йылісь юӧрсӧ. Сійӧ радейтӧмсӧ козьналіс тіянлӧ Вежа Лов.
9Эта йылісь кылӧм бӧрын мийӧ орӧттӧг кеймам тіян понда. Сія лунсянь корам, медбы тіян вӧлі Ловсянь мывкыд*е вежӧртны быдӧс, мый Еныс сьӧрті.10Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.11Еныс ась вынсьӧтас тіянӧс Аслас югьялан вынӧн*ж, медбы сьӧкыт кадӧ видзсьыны эз быр мыланыт*з да эдӧ ӧштӧ гажсӧ.12Буркывтӧ Ен Айнымӧс! Сія миянӧс корис югытінас. Ӧтлаын вежа отиркӧт Сія и миянлӧ сетас лӧсьӧтӧм пайсӧ*и.13Пемытыс ыждаліс миян вылын, а Еныс миянӧс мездіс да пыртіс Аслас дона Зонлӧн Юраланінӧ.14Зоныс миян понда вештісис Аслас вирӧн да проститіс миянлісь умӧль керӧммезнымӧс.
21Одзжык тійӧ умӧльсӧ керӧмныт кузя Еныс дынсянь вӧліт ылынӧсь, Сылӧ паныт лэбтісьліт*н.22Ӧні Еныс тіянкӧт бурасис Кристосыс вывтырын, Сы кулӧм пыр. Сія тіянӧс мӧдӧ сувтӧтны одзас сӧстӧммезӧн да вежаэзӧн. Сылӧ колӧ, медбы тіян сайын эз вӧв нем умӧльыс.23Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.
24Ӧні, тіян понда пессьӧмӧ коста, менам сьӧлӧм вылам гаж. Му вылас менам пессьӧм-мырсьӧмӧ*о лоӧ содтӧтӧн Кристослӧн пессьӧм-мырсьӧм дынӧ. Ме мырся Кристослӧн вывтыр понда, а Сылӧн вывтырыс ─ вичкуыс.25Ме вичкуын уджалісь, кера Енлісь лӧсьӧтӧмсӧ. Сія меным сетіс этӧ уджсӧ: юӧртны тіянлӧ Сылісь Кывсӧ быдсӧн.26Кӧркӧся каддэзсянь увтырись увтырӧ шогмӧммез шогья сія тӧдлытӧм*п Кылыс вӧлі сайӧвтӧм. Ӧні Еныс сійӧ осьтіс Аслас вежа отирлӧ.27Ачыс Еныс нылӧ сетіс тӧдны, мымда бурыс да югьялӧмыс эта тӧдлытӧмын быд отирлӧ. Тӧдлытӧмыс то мый: Кристосыс олӧ тіян пытшкын. Сэтӧн и надеяныт локтан югьялӧм вылӧ.28Мийӧ ӧні Сы йылісь висьтасям. Отирсӧ туйдӧтам да велӧтам быдсӧн мывкыднаным. Сідз керам, медбы Кристос Исускӧт ӧтлаасьӧм отирсӧ вайӧтны Еныс одзӧ быдсӧн буррезӧн*р.29Ме эта понда и уджала, песся Сысянь сетӧм вынӧн, кӧда ме пытшкын ёна керӧ ассис уджсӧ.
*а 1.3 бурсетӧм ─ благодать
*б 1.3 лӧнь олан ─ мир
*в 1.4 буркывтны ─ благодарить
*г 1.6 воӧм ─ плод
*д 1.7 кысъялісь ─ слуга
*е 1.9 мывкыд ─ мудрость
*ж 1.11 югьялан вын ─ славное могущество, слава
*з 1.11 мыла ─ терпение
*и 1.12 лӧсьӧтӧм пай ─ наследство
*к 1.15 аркмӧтӧм ─ сотворение
*л 1.18 вичку ─ церковь, община верующих
*м 1.20 бурасьны ─ примириться
*н 1.21 паныт лэбтісьны ─ быть врагом
*о 1.24 пессьӧм-мырсьӧм ─ страдание
*п 1.26 тӧдлытӧм ─ тайный
*р 1.28 быдсӧн бур ─ совершенный
Глава 1
