Choose Language
New Testament Books
view with a second Bible
1Гижӧ Павел, Кристос Исуслӧн апостол. Апостоллісь уджсӧ керны Еныслӧ вӧлі колӧм менӧ сувтӧтны. Гижа Ефесісь вежа отирлӧ, Кристос Исуслӧ веритіссезлӧ.2Бурсетӧм*а да лӧнь олан*б тіянлӧ Ен Айнымсянь да Дӧсвидзись Кристос Исуссянь!
3Ошкам Енсӧ, миян Дӧсвидзись Кристос Исуслісь Айсӧ! Сія миянӧс, Кристос Исускӧт ӧтлаасьӧммесӧ, енӧжсяняс бласлӧвитіс Ловлӧн быдпӧлӧс бласлӧвитӧмнас.4Быдӧс аркмӧтӧмся*в одзжык эд Сія миянӧс, Кристоскӧт ӧтлаасьӧммесӧ, вӧлі бӧрйӧм ни. Бӧрйӧм, медбы мийӧ вӧлім вежаӧсь да сӧстӧмӧсь Сы одзын. Сія миянӧс ӧддьӧн радейтӧ,5сійӧн лӧсьӧтчӧм керны бурсӧ: Кристос Исус отсӧтӧн миянӧс шуӧм босьтны Аслас челядьӧн.6Аслас дона Зон пыр Сія козьналіс миянлӧ бурсетӧмсӧ. Дак ошкам Сійӧ ыджытся-ыджыт бурсетӧм понда!
7Кристосыс Аслас вирӧн вештісис миян понда. Ӧні миян умӧль керӧммезным проститӧмӧсь. Сэтшӧм Сылӧн ыджытся-ыджыт бурсетӧмыс!8Еныс тырмӧмви козьналіс миянлӧ мывкыдсӧ*г да вежӧртӧмсӧ.9Ассис тӧдлытӧмсӧ*д Еныс миянлӧ осьтіс. Сійӧ бур лӧсьӧтӧмсӧ Сія кӧркӧсянь ни шуӧм пыртны оланӧ Кристос отсӧтӧн.10Колан кадӧ Еныс лӧсьӧтчӧм енӧжисьсӧ ӧтлаӧтны му вылісьыскӧт. Быдӧс вылын Юралісьнас Сія шуӧм сувтӧтны Кристоссӧ.
11Кристоскӧт ӧтлаасьӧмсянь мийӧ лоим Енлӧн челядьӧн. Миянӧс Еныс кӧркӧсянь ни вӧлі бӧрйӧм да лӧсьӧтӧм миянлӧ пай*е Сія эд быдӧс керӧ сідз, кыдз Сылӧ колӧ.12Еныс бӧрйӧм миянӧс, кӧдна медодз пондім надейтчыны Кристос вылӧ. Мийӧ бӧрйӧмӧсь, медбы олӧмным понда отирыс ошкисӧ Енлісь югьялан вынсӧ.
13Сідз и тійӧ кыліт быль кывсӧ, мезмӧмныт йылісь Бур Юӧрсӧ, да пондіт Кристослӧ веритны. Эта йылісь висьталӧ тіянлӧ сетӧм пасыс*ж ─ Вежа Лолыс. Сійӧ сетны Еныс одзжык ни эд вӧлі кӧсйӧм.14Вежа Лолыс висьталӧ: Еныслісь кӧсйӧм пайсӧ миянлӧ сетасӧ. Сійӧ сетасӧ, кӧр Еныс Ассис отирсӧ быдсӧн мездас. Дак ошкам Енлісь югьялан вынсӧ!
15Меным кывсис Кристос Исуслӧ веритӧмныт йылісь да быдӧннысӧ вежа отирсӧ радейтӧмныт йылісь.16Сійӧн ме дугдывтӧг буркывта*з Енсӧ тіян понда да кеймӧмӧ коста пыр касьтывла тіянӧс.17Миян Дӧсвидзись Кристос Исуслӧн Еныс, вына югьялан Айыс, ась сетас тіянлӧ осьтӧмыслісь*и да мывкыдыслісь Ловсӧ, медбы буржыка тӧдіт Енсӧ.18Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ19и мымда Сылӧн быдӧс верман выныс. Сія вынӧн Еныс керӧ Ассис уджсӧ миян пытшкын, Сылӧ веритіссезын.20Сійӧ жӧ вынсӧ Еныс мыччаліс, кӧр ловзьӧтіс Кристоссӧ кулӧммес коласісь да пуксьӧтіс Сійӧ веськыт ладорас енӧжас.21Лэбтіс Сійӧ вылынжыка быд юралісься, веськӧтлісься, быд вынся, быд вылына пукалісься, быд нимся, кӧда эм ӧння кадӧ да и локтан кадӧ.
22Быдӧс вайӧтіс Сы коккез увтӧ. Сійӧ сувтӧтіс быдӧсся вылынжыка. Сія Вичкулӧн*к юрыс.23Вичкуыс ─ Кристослӧн Вывтырыс да Сылӧн быдӧс тырмӧмыс*л. Сія быдӧс тыртӧ Асьнас.
*а 1.2 бурсетӧм ─ благодать
*б 1.2 лӧнь олан ─ мир
*в 1.4 аркмӧтӧм ─ сотворение
*г 1.8 мывкыд ─ мудрость
*д 1.9 тӧдлытӧм ─ тайна
*е 1.11 пай ─ наследная часть
*ж 1.13 пас ─ печать
*з 1.16 буркывтны ─ благодарить
*и 1.17 осьтӧм ─ откровение
*к 1.22 вичку ─ церковь, община верующих
*л 1.23 быдӧс тырмӧм ─ полнота
Глава 1
