Choose Language
New Testament Books
view with a second Bible
1Ды таго мон неинь виевдеяк виев ангел, кона валгиль менельстэ. Сон оршазель пельсэ, прянзо велькссэ ульнесь пиземе чирьке, чамазо цивтёрдсь прок чипай, пильгензэ ульнесть теке толонь палманть.2Сон кирдсь кедьсэнзэ тапарксонь кондямо тетькезь книга. Сон вить пильгсэнзэ чалгась иневеденть лангс, кершсэнть – моданть лангс3ды виев вайгельсэ серьгедсь истя, кода урны левесь! Зярдо сон серьгедсь, сестэ зэрнезь кортазевсть сисем пурьгинень вайгельть.4Зярдо сисем пурьгинетне прядызь эсест вайгельсэ кортамост, мон сёрмадыксэлия кортамост, ансяк маринь менельстэ гайгиця вайгель, кона кортась: «Кекшик сень, мезде кортасть сисем пурьгинетне. Тень иляк сёрмадо!»5Ды сестэ ангелэсь, конань мон неия иневедь лангсо ды мода лангсо аштемстэ, кепедизе кедензэ менелентень6ды божась-пежетькстась пингеде пингень Эрицянть эйсэ, кие теизе менеленть, моданть, иневеденть ды весементь, мезесь сынст эйсэ. Ангелэсь яволявтсь: «Шкась прядовсь!7Секскак, сеть читнестэ, зярдо зэрнезеви сисемеце ангелэнть торамозо, топавтови Пазонь салавань арсемась, кода Сон алтаськак Эсензэ важонзо, пазмарицянзо туртов».
8Ды таго кортазевсь монь марто вайгелесь, конань мон мария менельстэ: «Азё, саик тетькезь тапаркскенть иневедь ды мода лангсо стядо аштиця ангелэнть кедьстэ».9Мон молинь ангелэнть малас ды энялгадынь максомс монень те тапаркскенть. Сон тень каршо мерсь: «Саик ды сэвик сонзэ. Пекесэть карми улеме сонзэ эйстэ сэпе, кургсот – медень ламбамо».10Мон саия ангелэнть кедьстэ те тапаркскенть ды сэвия сонзэ. Кургсон сон марявсь медень ламбамокс, а зярдо нилия сонзэ, пекем кармась пурдамо сэпеденть.11Монень ёвтазель: «Тонеть таго эряви пачтямс Пазонть арсеманзо-мелензэ ламо раськеде, буеде, кельтнеде ды инязортнэде».
Глава 10
