Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
УЗЫР МУРТ НО ЛАЗАРЬ СЯРЫСЬ МАДЁН
Иисуслэн та мадёназ вераськон мынэ шонертэм улӥсь узыр но шонерлыко улӥсь куанер муртъёс сярысь:
«Одӥг адями узыр улэм, дуно басмаослэсь, даралилэсь вурем дӥськут нуллэм, котькуд нунал шукырес сиён-юон дыр ортчытъям. Вылэм кыӵе ке но Лазарь нимо кураськись, кудӥз гижлоӟыса солэн капка выжыяз кыллем. Узырлэн ӝӧк вылысьтыз усьылэм нянь пырыосын кӧтсэ тырыса улэм. Пуныос лыктыса солэсь гижлозэ нюлыса улӥллям. Кураськись кулэм но, кылчинъёс сое Авраамлэн ал вылаз нуиллям. Узыр но кулэм, сое ватӥллям. Адысен, курадӟыса улыкуз, узыр мурт синзэ ӝутэм но кыдёкысен Авраамез но со дорысь Лазарез адӟем. Соку со черектӥськыса верам: “Авраам атай! Жаля монэ, ысты Лазарез, чиньы йылзэ вуэ коттыса, кыл йылме мед сӥятысал, уго туж курадӟисько та тыл пӧлын!“ Нош Авраам шуэм: “Пие! Тодад вай али: ас улон даурад тон ӟечсэ басьтӥд, нош Лазарь – уродзэ. Табере со татын майбыр улэ, нош тон курадӟиськод. Солэсь но ортчыт, ми куспын но тӥ куспын син сузёнтэм пыдэстэм гу кылдытэмын, ми дорысь тӥ доры потыны турттӥсьёслэн потэмзы уг луы, озьы ик со палась но ми доры уг выжо“. Соку узыр мурт шуэм: “Тонэ курисько, атай, ысты Лазарез мынам атаелэн юртаз, уго мынам вить кузя агай-вынъёсы: та курадӟон интые соос но медаз лыктэ шуыса, Лазарь мед тодытоз соослы“. Авраам шуэм: “Соослэн Моисейзы но пророкъёссы вань, соосты мед кылзӥськозы“. Узыр мурт шуэм: “Ӧвӧл, Авраам атай! Соос доры кин ке но кулэмъёс пӧлысь лыктӥз ке, соос ӧбкельыса сьӧлыкъёссылэсь куштӥськозы“. Соку Авраам солы шуэм: “Моисеез но пророкъёсты уг кылзо бере, кулэмъёс пӧлысь кин ке улӟыса султӥз ке но, уз оске“».
Лукалэсь Ӟеч Ивор 16:19-31
368 
