Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
МАРФАЕН МАРИЯ СУЗЭРЪЁС
Калык пайме вал Иисуслэн визьмызлы, кужмызлы. Иисус калыкез яратӥз, нош калык – Сое. Озьы ке но, Иисуслэн тушмонъёсыз вал, тужгес но фарисейёс, книга тодӥсьёс пӧлын. Соос синазькыль каризы Иисусэз, асьсэос адӟо ке но вал Солэсь паймымон ужъёс лэсьтэмзэ, уг но оско вал Со Инмар Пи шуыса.
Иерусалимлы матэ интыяськем Вифания нимо гурт. Отын Марияен Марфа сузэр-апайёс улӥзы, соослэн Лазарь нимо вынзы вал. Соос куиньназы ик туж ярато вал Иисусэз, асьсэ доры куное Сое ӧтьыло вал.
Иисус соос доры пырем бере, Мария соку ик Солэн пыд выжыяз Солэсь вераськемзэ кылзыны пуксиз, нош Марфа, сиён-юонъёс пуктылыса, Сое куно карон пумысен сюлмаськыны кутскиз. Собере со Иисуслэн матаз лыктыса шуиз: «Кузё-Инмаре! Сузэре монэ огнаме ужаны кельтӥз шуыса, Тыныд нокыӵе но уг поты шат? Вера солы, мыным мед юрттоз». Нош Иисус Марфалы ответ сётыса шуиз: «Марфа, Марфа! Тон тросэз сярысь сюлмаськиськод, нош кулэ огез гинэ. Мария ӟечсэ люкетэз бырйиз, кудӥз солэсь уз басьтӥськы».
Лукалэсь Ӟеч Ивор 10:38-42
364 
