Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ГАЖАСЬ-ЖАЛЯСЬ САМАРИЯ ПИ СЯРЫСЬ МАДЁН
Иисуслэсь визьзэ сынаса, одӥг закон тодӥсь Солэсь юаз: «Дышетӥсь! Быронтэм улонэз басьтон понна, мон ма карыны кулэ?» Иисус солы шуиз: «Мар гожтэмын законын? Кызьы лыдӟиськод?» Ответ сётыса, со шуиз: «Кузё-Инмарез, аслэсьтыд Инмардэ, вань сюлмыныд, вань лулыныд, вань кужмыныд, вань визьмыныд яраты, матысьтэ но астэ ачид кадь ик». Иисус солы шуиз: «Шонер ответ тон сётӥд. Озьы лэсьты, улэп луод». Нош со, ассэ ачиз шонере поттыны турттыса, Иисуслы шуиз: «Нош кин бен мынам матысе?»
Талы Иисус шуиз: «Кыӵе ке но адями Иерусалимысь Иерихонэ мынэ вылэм но адями таласьёс кие шедем, кудъёсыз солэсь дӥськутсэ октыса, ассэ жугыса, мырдэм улэп кельтыса кошкиллям. Учырам озьы: со сюрес кузя священник мынэ вылэм но, сое адӟыса, вӧзтӥз кошкем. Озьы ик со интыын левит но вылэм, дораз мыныса учкем но вӧзтӥз кошкем. Кыӵе ке но Самария мурт кошкыкуз со шоры кемдэм, адӟем сое но жаль потэм. Дораз лыктыса, яраоссэ вӧйын зыраса, винаен гылтыса бинем. Ишак вылаз пуктыса, кунокуае ваем но со сярысь сюлмаськем. Мукет нуналаз кошкыкуз, кунокуа кузёлы кык динарий коньдон поттыса сётэм но солы шуэм: “Сюлмаськы со сярысь. Талэсь тросгес коньдон быдтӥд ке, берен вуи ке, тыныд тыро“».
Та мадёнэз вераса быдтэм бераз, Иисус закон тодӥсьлэсь юаз: «Кызьы малпаськод, кудӥз та куинь муртъёс пӧлысь адями таласьёс кие шедемлы матысь луэ?» Закон тодӥсь шуиз: «Кин солы ӟеч кариз». Соку Иисус солы шуиз: «Мын, тон но озьы ик лэсьты».
Лукалэсь Ӟеч Ивор 10:25-37
360 
