Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИИСУСЛЭН НЫРЫСЕТӤЕЗ ПАЙМЫМОН УЖЕЗ
Галилеяысь Кана карын сюан ортчиз. Отчы Иисус дышетскисьёсыныз ӵош ӧтемын вал. Тазьы луиз: сюанчиос ӝӧк сьӧрын пукыку, виназы быриз. Иисуслэн Анаез но отын вал. Со Иисуслы шуиз: «Виназы ӧвӧл ни». Иисус Анаезлы шуиз: «Ӧз на вуы Мынам часэ». Соку Мария ужасьёслы Иисус шоры возьматыса шуиз: «Со тӥледлы мар вераз ке, сое лэсьтэ».
Татын излэсь лэсьтэм куать ву тыронзы (кувшинзы) вал. Ужасьёс пала берыктӥськыса, Иисус шуиз: «Ву тыронъёсты вуэн тырмытэ». Ужзэс быдэстэм бере, Со шуиз: «Табере омыртэ но сюанлэн тӧроезлы нуэ». Кувшинысь ваем макеез веръям бераз, тӧро эмеспиез ӧтиз но солы шуиз: «Котькудӥз адями нырысь ӟеч виназэ удэ, нош куке кудӟо, соку лябзэ; нош тон ӟеч винадэ татчыозь воземед». Тӧро ӧз тоды кытысь ваемын вал вина; тае тодо вал ву омыръясьёс гинэ.
Тазьы Галилеяысь Кана карын Иисус паймымон ужъёсызлы кутскон сётӥз, возьматӥз Аслэсьтыз быдӟымлыксэ; дышетскисьёсыз Солы оскизы.
Иоаннлэсь Ӟеч Ивор 2:1-11
318 
