Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВИЗЬМОЧИОСЛЭН САЛАМЗЫ. ВОЖ НУНЫОСТЫ ВИЫЛОН
Вифлееме вуыса, визьмочиос кизили дугдэм вадьсысь корка пыризы. Нуныез но Солэсь Анайзэ Марияез адӟыса, соос пыдесъяськыса йыбырттӥзы. Дуно шыкысысьтызы поттыса, Солы зарни, ладан, смирна кузьмазы. Уйвӧтазы Ирод доры мыныны лэзисьтэм ивор басьтэм беразы, соос мукет сюрестӥ ас шаеразы кошкизы.
Та сярысь тодэм бераз, Ирод туж зол вожзэ поттӥз. Вифлеемысь, со ёросысь кык но солэсь пичи аресъем вань вож нуныосты виылыны ыстӥз. Иродлэн ожгарчиосыз Вифлееме лыктыса, сьӧлыктэм нуныосты виылӥзы. Иеремия пророклэн та сярысь азьвыл ик верам кылыз быдэсмиз: «Рама карын зар бӧрдэм, викышъям, ӝуштэм куара кылӥське; Рахиль нуныосыз понна бӧрдэ, соос ӧвӧлысь буйгатскемез уг ни поты солэн».
Матфейлэсь Ӟеч Ивор 2:1-12, 16-18; Иеремия 31:15
302 
