Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ТОМ ТИМОФЕЙ
Буръюöртiгöн мöд ветлöм дырйи Листра карын апостол Павел паныдасис Тимофей нима том морткöд, кодi сэсся лои сылöн бур отсасьысьöн. Апостол Павелкöд Тимофей ветлiс Македонияö, Грецияö, Ичöт Азияö да весиг Римö. Висьталöны, мый Павелöс Римын виöм бöрын Тимофей лои Ефес карын вичкоса веськöдлысьöн. Сiйöс бöрынджык тшöтш виисны эскöмыс вöсна.
Апостол Павел мöдöдiс Тимофейлы кык гижöд. Медводдза гижöдас сiйö ышöдö эскысьясöс кевмысьны став йöзыс вöсна: «Медводз кора тiянöс: кевмысьöй Енмыслы, шыасьöй Сы дiнö корöм-кевмöмöн да аттьöалöмöн став йöзыс вöсна. Кевмысьöй юралысьяс да ыджыдалысьяс вöсна, медым ми олiм лöня да зыксьытöг, вежавидзöмöн да шогмана ногöн. Öд тайö бур да шогмö Енмыслы, миян Мездысьлы». (2:1-3)
Нерон дырйи, кодi ёна дзескöдлiс Кристослы эскысьясöс, Павел гижис пеж ловъяслöн велöдöм йылысь: «Бöръя кадас кодсюрö кежасны эскöмысь. Найö пондасны кывзыны ылöдчысь ловъясöс да кутчысясны пеж ловъяслöн велöдöмö». (4:1)
Павел велöдiс Тимофейöс, кыдзи сылы овны да велöдны мукöдöс: «Ылöг да ковтöм мойдъясысь ылыстчы, велöдчы овны вежавидзöмöн. Тэнад сёрниыд, оласногыд, муслуныд, сьöлöмыд, эскöмыд да сöстöмлуныд мед лоö шогмана, мед эскысьяс вермисны овны тэ моз. Менам локтöдз лыддьы Енлысь Кывсö да туйдöдвелöд йöзсö». (4:7, 12-13) «Кутчысь веськыдлунас, вежавидзана оласногас, эскöмас, муслунас, зумыдлунас да рамлунас». (6:10-11)
Эскöм вöсна вермасьöм йылысь Павел гижис: «Зумыда вермась эскöмыд вöсна, кутчысь помтöм олöмас, кытчö Енмыс корис тэнö. Öд уна йöз водзын тэ восьсöн висьтасин аслад эскöм йылысь». (6:12)
Чайтöны, мый мöд гижöдсö Павел мöдöдiс Тимофейлы дзескыдiнын пукалiгас. Аслас бöръя лунъясö сiйö гижис: «Ме бура вермаси, помöдзыс котöртi, эскöмöс видзи. Öнi менö виччысьö веськыдлуныслöн юркытш. Веськыда мыждысь Господь Аслас лунö сетас сiйöс меным да быдöнлы, кодi став сьöлöмнас виччысьö Сылысь локтöмсö». (4:7-8)
Тимофейлы медводдза да мöд мöдöдöм гижöд
504 
