Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕН ШЫАСЬÖ САМУИЛ ДIНÖ
Сiйö кадас, кор том Самуил олiс вежа керкаын, Енмыс сёрнитлiс йöзыскöд шоча, и Енсянь петкöдчылöмъяс вöлiны зэв гежöда.
Öтчыд войнас, кор Самуил узис вежа керкаын, Ен шыасис сы дiнö. Самуил воча шуис: «Ме танi», но некодöс эз аддзы. Сэсся котöртiс Илий дiнö да шуис: «Ме танi, ыджыдöй! Тэ менö корин?» Но Илий вочавидзис: «Ме эг кор тэнö, мун да бöр вод». Самуил мунiс да водiс. Ен мöдысь шыасис сы дiнö. Самуил чеччис, бара локтiс Илий дiнö да шуис: «Ме танi! Тэ корин менö?» Но Илий вочавидзис: «Ме эг кор тэнö, пиöй. Мун да бöр вод».
Ен шыасис Самуил дiнö нöшта коймöдысь. Сiйö чеччис да мунiс Илий дiнö. Сэки Илий гöгöрвоис, мый Ачыс Енмыс чуксалö зонкаöс. Илий шуис Самуиллы: «Мун да бöр вод. Кылан кö бара чукöстöмсö, шу: ”Висьтав, Господьöй. Тэнад кесйöгыд кывзö Тэнö”». Самуил мунiс да водiс. Господь локтiс да воддза мозыс бара шыасис: «Самуил, Самуил!» Самуил вочавидзис: «Висьтав, Тэнад кесйöгыд кывзö Тэнö».
Ен висьталiс Самуиллы, мый Илийöс да сылысь рöдвужсö Сiйö мыждас, öд Илий эз öлöд ассьыс эскытöм пиянсö лёкторъяс вöчöмысь.
Öксыяслöн медводдза небöг 3:1-14
152 
