Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЗАРНИ ÖШ
Кор Мöисей дыр эз кут лэччыны керöсысь, Израиль войтыр локтiс Аарон дiнö да шуис: «Вöч миянлы енмöс, медым нуöдас миянöс. Ми огö тöдöй, мый лоис Мöисейкöд, кодi петкöдiс миянöс Египетысь». Сэки Аарон тшöктiс йöзыслы вайны зарни исергаяснысö. Найö тадзи и вöчисны. Аарон сывдіс исергаяссö да вöчис-мольöдіс öшкöс. Мыйöн израильсаяс аддзисны öшсö, пондiсны горзыны: «Тайö миян енным, кодi петкöдiс миянöс Египетысь!» Мöд луннас водз асывнас найö чеччисны да вайисны висьяс öшкыслы. Сэсся кутiсны сёйны-юны да гажöдчыны.
Сэки Ен шуис Мöисейлы керöсын: «Лэччы öдйöджык. Тэнад войтырыд, кодöс тэ петкöдiн Египет муысь, сетчис пежас. Найö кежисны Менам туй вылысь». Ен кöсйис бырöдны тайö кывзысьтöм да асныра войтырсö, но Мöисей кутiс кевмысьны: «Господьöй, эн кисьт скöрлунтö Аслад войтырыд вылö. Тэ öд петкöдiн сiйöс Египет муысь Аслад ыджыд вынöн да ён киöн. Мед эз кутны шуны египетсаяс, мый Тэ петкöдiн Израиль войтырöс, медым вины найöс овтöминын да бырöдны му вылысь. Вешты на вылысь Ассьыд скöрлунтö да эн ви Ассьыд войтыртö». Ен кылiс Мöисейлысь корöмсö и эз бырöд израильсаясöс.
Кор Мöисей лэччис да аддзис вöчöм öшкöс да гажöдчысь войтырöс, тшöтш ёна скöрмис. Скöрйывсьыс сiйö шыбитіс муö Ен гижöда изпöвъяссö, и найö жугалiсны. Сэсся босьтiс зарни öшсö да сотiс сiйöс биын, ниртіс пызьöдз да коялiс ваö. Сэсся тшöктiс Израиль войтырлы юны тайö васö.
Петöм 32:1-20
104 
