Выбрать язык
Выбрать рассказ Ветхого Завета
Выбрать рассказ Нового Завета
Ирöдыс кулöм бöрын Енлöн анделыс бöра вöтын казьмöтчӧм Öсипыслö. Сiя висьталӧм: «Чеччы, босьт кагасö мамнас, мун Израиль муö. Кагаыслiсь ловсӧ босьтiссес кулiсö».
Öсипыс керас анделыс тшöктöм сьöртi, бертас Израильö. Юдей муын сэк веськöтлӧм Ирöдлöн Аркелай зоныс. Öсип абу лысьтӧм мунны сэтчин. Сэк Öсипыслö вöтын казьмöтчӧм Еныс. Сiя тшöктас мунны Назарет карö. Сэтчин одзжык олöм Мариыс.
Мийö öддьöн етша тöдам Исуслöн Назаретын олöм йылiсь. Öсипыс вöлöм тшупсись, Исусыс уджалӧм ӧтлаын. Бур юöрын öддьöн етша гижöм Исуслöн челядься кад да том олан йылiсь. Гижöмыс висьталö: «Кагаыс быдмöм, лолыс вынсялöм, мывкыдыс содöм. Енлöн бур сетӧмыс вöлöм Сыкöт. Еныс Сiйӧ видзöм Аслас сьӧлӧмын, отирыс Сiйö радейтöмась».
Исусыс кывзiсьöм аймамыслiсь. Быд ныв-зонлö колö кывзiсьны аймамлiсь. Сiдз тшöктö Ачыс Еныс. Енлöн дас тшöктöмись öтiк висьталö сiдз: «Аймамтӧ кывзiсь, отсась. Енöн сетöм оланыт му вылас сэк содас».
Матвей 2:19-23, Лука 2:40, 50-52, Петöм 20:12
74 