Выбрать язык
Выбрать рассказ Ветхого Завета
Выбрать рассказ Нового Завета
Эстöн висьтассьö Енöн аркмöтöм морт йылiсь. Еныс мöдöм мортсö адззыны небыт сьöлöмаöс, сöстöма олiсьöс, вежöраöс. Адам Евакöт вöлöмась медодзза отир. Нiя керасö умöльö, озö кывзiсьö. Нылöн ыджытжык Каин нима зонныс вийöм ассис Авель нима вонсö. Умöльыс сэсся паськалас быдсöн му пасьтас. Еныс сэк висьталöм: «Быдöнныс ылалiсö, эзö пондö кывзiсьны, эзö кольччö бурсö кериссес, öтiк эз кольччы».
Еныс бöрьяс му вылiсь öтiк увтыр. Сiя видзчисяс нысянь кеймöм-кывзiсьöм, Сы висьталöм сьöртi олöм. Бöрьяс Сiя Израиль отирöс. Одзлань Еныс унаись висьтавлöм Израиль отирлö Аслас юöртiссес пыр Мездöтiсьлöн локтöм йылiсь. Грек кыв вылын Мездöтiсь лоö «Кристос». Исай Енсянь юöртiсь унаöн одзжык Исус чужанöдз висьтавлöм Мездiсь шогмöм йылiсь. Сiя висьтавлöм: отирыс пö шуасö Сiйö быд кодь ыджыт-ошкан ниммезöн. Микей Енсянь юöртiсь нельки висьтавлöм Сылiсь шогманiнсö: шогмас пö Кристосыс Виплеем карын. Исай юöртiсьыс висьталöм Мездöтiсьлöн медыджыт мог йылiсь: Мездöтiсь пö локтö кежöтны отирсö умöль туй вылiсь, бергöтны нiйö Енлань. Аслас кулöмöн мездас быдöс отирсö греккезiсь.
Кöркöся висьтавлöммез сьöртi и аркмас: Кристос Исус отир дынö локтас.
Ошканкыв 13:3, Исай 9:6, 53 тор, Микей 5:2
62 