Выбрать язык
Выбрать рассказ Ветхого Завета
Выбрать рассказ Нового Завета
Рытйöм бöрын ойнас Исусыс дасöтiк велöтчисьыскöт петас Ерусалимсис, вуджас Кедрон ю, локтас Гетсеман пуйöрö. Аслас велöтчиссезлö сiя шуас: «Пукалыштö эстöн, Ме ветла кеймыны». Сьöрас босьтас Петраöс, Яковöс Иванкöт. Исусыс пондас шогсьыны-тöждiсьны. Сiя висьталöм велöтчиссеслö: «Лолö петтöдз Менам сьöлöмö шогсьö-пессьö. Кольччö эстöн, эд онмöссьö».
Исусыс муныштас ны дынiсь, сувтас пидзöссэз вылас да пондас кеймыны: «Айö! Позьö я этö юандозсö нöбöтны Ме дынiсь? Эн кер эд Ме сьöртi. Ась петас Тэ моз». Сы дынö сибöтчас енöжись андел, вынсьöтас Сiйö. Исусыс пессикас öддьöнжык кеймас. Сылöн ньылöмыс вотялас му вылö вир моз.
Исусыс бертас велöтчиссес дынö. Нiя узьöмась. Исусыс саймöтас нiйö, висьталас: «Тiйö нельки öтiк час эдö вермö овны узьтöг? Эд узьö, кеймö, сэк одö ылалö. Мортлöн лолыс вына – вывтырыс эд вынтöм».
Сiя мунас ны дынiсь, бöра пондас кеймыны: «Айö, оз кö вермы менö ордйыны сiя дозыс, кер Ас мознат».
Матвей 26:36-44, Лука 22:39-46
106 