Слово Твое - светильник ноге моей и свет стезе моей

Библия на финно-угорских языках



Библейские рассказы

Выбрать язык


Выбрать рассказ Ветхого Завета

Выбрать рассказ Нового Завета

АРКМÖТНЫ ПОНДÖТЧÖМ

Кусöтны кö ойöн биэз, быдлаын лоас дзирс пемыт. Кöркö быдöс сэтшöм пемытын вöлöм. Туруныс пуэскöт, басöк дзоридззес кайескöт сэк абу вöлöмась. Нельки енöжыс мунас абу вöлöм. Вöлöм дзирс пемыт, быдöс дзугсьöм. Сэтшöмыс Енлö абу вöлöм сьöлöмви. Миян гöгöрисьсö быдöс Сiя аркмöтöм. Öнi быдöс басöк да арта. Медодз Ен аркмöтöм му да енöж.

Му вылас нач нем абу вöлöм. Омöн вöлöм пемытся-пемыт. Ен Лов кöвьясьöм-ветлöм ва вевдöрöт.

Ен висьталöм: ась лоас югыт. Сiдз лоöм югытыс. Сэк Ен казялöм: югытыс – бур. Югытсö пемытыскöт Сiя торйöтöм.

Ен шуöм: югытыс ась лоö лунöн, пемытыс – ойöн. Вöлöм рыт, сыбöрын вöлöм асыв. Сiдз лоöм медодзза лун.

Сэк Ен висьталöм: ась лоö ва шöрас тыр сöстöм ру, васö ваыскöт ась сiя торйöтö. Ен керöм русö. Сiя вевдöрись васö увдöрся ваыс дынiсь рунас торйöтöм. Сiдз тай лоöм.

Ен шуöм русö енöжöн. Вöлöм рыт, сыбöрын вöлöм асыв. Сiдз лоöм мöдiк лун. Сэк Ен висьталöм: ась öксьö енöжувтся ваыс öтiклаö, ась мыччисьö кöсiн. Лоöм сiдз.

Сэк Ен шуöм: кöсiныс – му, öксьöм ваэс – саридззез. Ен казялöм: бур пö тай. Сэк Ен висьталöм: ась быдмöны му вылас туруннэз, сюэз, пуэз. Ась му вылын быд быдмас сетö кöдзыс аслас йылöм понда. Сiдз тай лоöм. Му вылас пондöм быдмыны турун, сюэз, пуэз. Быд быдмасыс пондöм сетны кöдзыс да паськавны. Ен казялöм: бур пö тай. Вöлöм рыт, сыбöрын вöлöм асыв. Лоöм куимöт лун.

Лоöм 1:1-13


енöж – небо

ОДЗЛАНЬ АРКМÖТÖМ


предыдущий рассказ 4 следующий рассказ