4Sudigaha kunigaz oiktal sudal gollid, päzutagha niššatan poigid, da seižutagha ahtištajan. 5I sindai, minun Jumal, varaidaškatas pol’vespäi pol’vehe, kuni paštab päiväine da kuštab kudmaine.
6Hän tuleb, kuti vihm nittud normele, kuti vihmkuro, mitte kastab mad. 7Hänen päividen aigan tozioiged mez’ änikoičeb, mirud linneb külläks, kuni kudmaine ei heita ičeze kuštandad.
8Hän pidäškab valdan merespäi merhesai, Jevfrat-jogespäi man agjoihesai. 9Hänen edes kumardasoiš tühjan man rahvahad, a hänen vihanikad noleškaba pölüd. 10Farsisan da sariden kunigahad maksaškaba hänele nalogoid, Aravian da Savan kunigahad toba hänele lahjoid. 11Hänele kumardasoiš kaik kunigahad, kaik mirun rahvahad služiškaba hänele, 12sikš ku hän päzutab niššatan, pakičijan i ahtištadud, kenel ei ole abunikad. 13Hän žal’l’oičeb niššatad da mairhes olijad, hän päzutab mairhes olijan henged. 14Hän päzutab heiden henged ahtištusespäi da kovas valdaspäi, i heiden veri linneb kalliš hänen sil’miš.
15Elägaha kunigaz hätken i sagha Aravian kuldan. Loikaha rahvaz hänes heitmata, joga päivän blaslovigaha händast. 16Ma kazvatab külläks villäd, eskai kal’l’oiden päle. Vil’l’ zavodib lainehtida kuti Livanan mec. A rahvast sündub lidnoihe muga äjan, kuti heinäd mas. 17Hänen nimi linneb kittud igäks. Kuni paštab päiväine, rahvaz muštab hänen nimen. Saba hänes blaslovindan kaik mirun heimod, kaik rahvahad sanuba händast ozavaks.
18Olgha ülenzoittud Ižand Jumal, Izrail’an Jumal, üksjaine čudoiden tegii. 19Olgha ülenzoittud igäks hänen nimen korged arv, i kaik ma tehkahas täuz’ hänen hoštotest. Amin’, amin’!
20Davidan, Jessejan poigan loičendad oma lopnus sihe.
с русским текстом