Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
66 Psalm
1Horan ohjandajale. Näpvändimil Psalm. Pajo.2Meiden Jumal, ole meile hüvä, blaslovi meid!
Anda nägištada meile sinun modon hoštotesen,
3miše mal saižiba tedoid sinun tes,
sinun päzutandas tedištaižiba kaik rahvahad.
4Ülenzoitkaha sindai rahvahad, minun Jumal,
ülenzoitkaha sindai kaik mirun rahvahad.
5Ihastugha i iloštugha rahvazrodud,
sikš ku sinä sudid oiktal sudal,
ohjandad rahvazroduid man päl.
6Ülenzoitkaha sindai rahvahad, minun Jumal,
ülenzoitkaha sindai kaik mirun rahvahad.
7Ma andoi ičeze plodun,
blaslovigaha meid Jumal, meiden Jumal.
8Blaslovigaha meid Jumal,
i varaikaha händast kaik man agjad.
Глава 66
