Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
59 Psalm
1Horan ohjandajale. Pajatadas kut «Kožmusen lilii». Davidan runo opendamižen täht.2David kirjuti necen runon, konz torazi Mesopotamian da Covan aramejalaižidenke. Joav pörttes vägesti kaks’toštkümne tuhad idumejalašt Solmas.
3Minun Jumal, sinä hül’gäižid meid,
löid meid maha, käreganzid meiden päle.
Kacuhta möst meihepäi!
4Sinä säraidoitid man, haugenzoitid sen.
Kohenda sen haugemused, sikš ku se likub.
5Sinä oigenzid ičeiž rahvahale mugoižid jügedusid,
ka šläbäidam kuti vinad jonus.
6Anda flag sindai varaidajile,
mö libutam sen toden täht.
7Päzuta vägeval kädel nenid, keda armastad.
Kulišta mindai!
8Jumal sanui ičeze pühäkodiš:
«Hüviš meliš andan teile Siheman,
jagan teiden keskes Sokhofan.
9Minun om Galaadan ma, minun om Manassian ma,
Efrem služib minun pän kaičijaks,
Juda om minun valdpalik.
10Moav om minun pezendastii,
Edomaha minä heitän minun kengän.
Laske kidoid minei, Filistianma!»
11Ken veb mindai vahvištoittud lidnaha?
Ken satab mindai Edomaha?
12Ved’ sinä, minun Jumal, tacid meid,
ed astu, minun Jumal, meiden torasaldatoiden edes.
13Abuta meile, mö olem ahthal aigal,
mehiden abu om tühj.
14Jumalan vägel mö tegem surid tegoid,
hän löb maha meiden vihanikad.
Глава 59
