1Horan ohjandajale. Davidan psalm. 2Kulištagha sindai Ižand opalan päivän, kaičegha sindai Jakovan Jumalan nimi! 3Oigendagha hän sinei abun pühäkodišpäi, vahvan tugen Sion-mägelpäi. 4Muštkaha hän kaik sinun sömžertvad, i kaik sinun poltandžertvad tehkaha lihavikš! 5Antkaha Ižand kaiked sinun südäimen tahtoidme, i kaik sinun kägedused täutkahas elos! 6Mö ihastum sinun vägestusen polhe, libutam flagan meiden Jumalan nimehe. Täutkaha Ižand kaik sinun pakičendad!
7Nügüd’ minä tedištin: Ižand kaičeb ičeze voideltud, andab vastust ičeze pühäs taivhaspäi, päzutab händast ičeze oiktan käden vägel. 8Erased bahvališoiš ajamil, erased – heboil, a mö kitämoiš Ižandan, meiden Jumalan nimel. 9Hö hairahtiba da lanksiba, a mö libuim i pidämoiš seišti.
10Sur’ Sünduižem! Päzuta kunigaz da kulišta meid, konz mö pakičeškandem sinai abud.
с русским текстом