Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ЛУКАЛЭСЬ ӞЕЧ ИВОР

Глава 17

17-тӥ ЛЮКЕТ

1Аслаз дышетскисьёсызлы Иисус вераз на: «Сьӧлыке пыртӥсь ужъёс лыктытэк уз кыле, но куректон-кайгу со адямилы, кин пыр соос лыкто:2та пичиос пӧлысь одӥгзэ сьӧлыке пыртытозь, со адямилы умойгес луысал, чыртыяз вуко кӧ ошыса, зарезе куштысалзы ке.3Асьтэдыз асьтэос чаклалэ. Братэд тыныд пумит сьӧлыказ ке, тон солы ваньзэ вера, сьӧлыкез понна ӧпкелиз ке, сое простить кар.4Нунал куспын тыныд пумит сизьым пол сьӧлыказ ке, но сизьым пол тыныд вазиськыса шуиз ке: ”Сьӧлыке понна ӧпкелисько”, – сое простить кар».

5Апостолъёс Кузё-Инмарлы шуизы: «Милесьтым осконмес будэты».6Кузё-Инмар шуиз: «Горчица кидыс быдӟа гинэ осконды луыса та смоквапулы шуысалды ке: ”Вырӟы интыысьтыд но пуксьы зарезе”, со тӥлесьтыд кылзӥськысал.

7Ляльчиез гырыса яке пудо возьмаса бусыысь бертӥз ке, кин тӥ пӧлысь солы шуоз: ”Ӝог лыкты, пуксьы ӝӧк сьӧры”?8Озьы шуэм интые, уз шуы-а солы: ”Ӝыт нянь мыным дася, путодэ дум но, мон сиськытозь, юытозь, мыным ужа, бӧрысь ачид си, ю”?9Солэсь косонзэ быдэстэмез понна та ляльчилы со тау кароз-а? Уз, дыр.10Озьы ик тӥ но, вань косэмез быдэстӥды ке, шуэ: ”Ми номырлы ярасьтэм ляльчиос, малы ке шуоно лэсьтӥмы сое гинэ, мае кулэ вал лэсьтыны”».

11Иерусалиме мыныкуз, Иисус Самарияен Галилея вискытӥ ортчиз.12Одӥгаз гуртэ пырыкуз, Сое гижлочерен висись дас адямиос пумитазы, соос палэнэ дугдӥзы но13бадӟым куараен веразы: «Иисус Дышетӥсь! Жаля милемыз!»14Соосты адӟыса, Со шуиз: «Мынэлэ, священникъёслы возьматске». Мыныкузы ик дунмазы.15Соос пӧлысь одӥгез аслэсьтыз бурмемзэ шӧдӥз но Инмарез бадӟым куараен данъяса берытскиз.16Иисуслы тау кариз, пыдесъяськыса йыбырттӥз. Со Самария пи вал.17Соку Иисус шуиз: «Дасназы ик ӧз чылкыталэ-а? Нош укмысэз кытын?18Мурт выжыысь та адями сяна, малы соос Инмарез данъяны ӧз берытске?»19Та пилы Иисус шуиз: «Султы, мын, тынад осконэд тонэ утиз».

20Фарисейёслэн «ку Инмар Эксэйлык лыктоз» шуыса юамзылы Иисус таӵе ответ сётӥз: «Инмар Эксэйлык шӧдӥськымон амалын уз лыкты.21Уз но шуэ: ”Тани, со татын” яке: ”Тӥни, отын”. Уго тани, Инмар Эксэйлык тӥляд пушкады вань».

22Дышетскисьёсызлы вераз на: «Вуозы нуналъёс, куке Адями Пилэсь одӥгзэ ке но нуналзэ адӟемды потоз, но уд адӟе.23Тӥледлы шуозы: ”Тани, татын” яке: ”Тӥни, отын”, – эн ветлэ, эн но улляське.24Кызьы чилектэм инбамлэн одӥг пал пумысеныз инбамлэн мукет палозяз воректэ, озьы Адями Пи луоз Аслаз лыктон нуналаз.25Но азьло Солы трос курадӟонэз но та выжылэсь куштӥськемзэ чидано луоз.26Ной улон нуналъёсы кызьы луэм, озьы ик луоз Адями Пилэн нуналъёсыз дыръя но:27Ной пыжаз пырытозь, сииллям, юиллям, кышнояськиллям, бызиллям, ву нюртон вуэм но ваньзэс быдтэм.28Озьы ик вылэм Лот улон дыръёсы: сииллям, юиллям, басьяськиллям, вузаллям, мерттӥськиллям, лэсьтӥськиллям;29но Лот Содомысь потэм нуналэ инбамысь тылын, ӵуждариен ӝуась зор кисьтӥськем но ваньзэс быдтэм.30Озьы ик луоз Адями Пи лыктон дыръя но.31Со нуналэ кин липет йылаз учыраз ке, нош тӥрлыкез – коркан, соосты басьтыны эн васькы; нош кин бусые учыраз ке, озьы ик берлань эн ни берытскы:32Лотлэсь кышнозэ тодады вае.33Кин аслэсьтыз лулзэ утьыны кутскоз, со сое быдтоз; нош кин сое быдтоз, со сое улӟытоз.34Тӥледлы верасько: со уе одӥг валес вылын кык мурт луоз: одӥгез басьтэмын луоз, нош мукетыз кельтэмын луоз.35Кык кышномуртъёс ӵош пызь изозы: одӥгез басьтэмын луоз, нош мукетыз кельтэмын луоз.36Кыкназы бусыын луозы: одӥгез басьтэмын луоз, нош мукетыз – кельтэмын».

37Та ласянь Солы шуизы: «Кытын, Кузё-Инмаре?» Иисус соослы шуиз: «Кытын шӧй, отчы ӧрӟиос но люкаськозы».


предыдущая глава Глава 17 следующая глава