Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ОМБОЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 6

1Минь, кода Шкайть мархта покодихне, эняльттяма тейнть: афоль ара шавокс Шкаень пароказнесь, кона максфоль тейнть.2Вдь Шкайсь корхтай:
«Пара пингста Мон кулихтень тонь,
идемань шиста Мон лездонь тейть».

И вага, тяни – тя пара пингсь, и тяни – тя идемань шись.

Стакашитнень кирдемасна

3Минь аш мяленьке улемс киндинге мезьсонга пупордамань кевкс: афоль сялдов минь покодеманьке Шкайти.4Меколанкт, минь сембоса няфнесаськ эсь пряньконь афкуксонь покодикс Шкайти: оцю кирдемшкаса и кемошиса кирттяма стакашит, ашушит, люпштамат,5пикссемат, пякстамгудга ащемат, каршезонк кепсемат, вийда машфты покодемат, апак удок вет, вачаши.6Минь эсь афкуксшиньконь няфнесаськ арушиса, содамошиса, куватьс кирдемшкаса, парошиса, Иняру Ваймопожфса, афкуксонь кельгомаса,7видешинь валса, Шкаень вийса и видексшиса, кона ащи тейнек тюрембялькс; сонь вельденза минь тюрьхтяма и аралатама пря.8Минь кирдьсамазь пара лувксса и мезькска аф лувсамазь; минь сялдсамазь и шнасамазь; минь лувсамазь васькафникс, но минь корхтасаськ видеть;9минь лувсамазь аф содавиксокс, но минь сембе содасамазь; минь лувсамазь кулома лангса ащикс, но ванода, минь эрятама; минь эсонк шавихть, но минь аф кулотама;10минь пичефтьсамазь, а минь фалу кеняртькшнетяма; минь ашуфтама, но ламотнень козякофнесаськ; минь мезеньковок аш, но сембось кядялонк.

11Коринфонь ялгат, минь корхтатама тейнть видеста и минь седиеньке панжада.12Минь седиеньке келептьфт тейнть, но тинь седиенте пякстафт минь эздонк.13Мон корхтан тейнть, кода эсь идненди: тиньге каршезонк тиеда тяконь лаца, панжесть эсь седиентень тейнек.

Кемай ломаттне – эряй Шкайть кудоц

14Тясть кильде эсь прянтень фкя ашка алу аф кемайхнень мархта. Дяряй улихть видексшить марстонь тевонза коень коламать мархта? Мезе марстонь ули валдть и шобдать ёткса?15Дяряй ладяй Христос Велиаронь мархта? Мезьсна марстонь кемай ломаттнень аф кемайхнень мархта?16И мезец марстонь Шкаень кудть аф афкуксонь шкайхнень мархта? Вдь тинь – эряй Шкайть кудоц. Шкайсь мярьгсь тяфта:
«Мон саян эряма синь мархтост
и карман якама синь ётксост.
Мон улян тейст Шкайкс,
а синь улихть Тейне ломаньтналкс».

17Сяс Азорсь тага корхтай:
«Лиседа синь ёткстост
и уледа ширеса эздост,
и тясть токсе аф аруть,
и Мон пара мяльса сяфтядязь тинь Эстейне».
18
«Мон улян тейнть Алякс,
и тинь ульхтяда Тейне цёракс и стирькс.
Тяфта корхтай Сембонь Кирди Азорсь».


*а 6:2 Исаия 49:8

*б 6:15 Велиар – тя Сатанать тага фкя лемоц.

*в 6:16 3 Моисея 26:12

*г 6:17 Исаия 52:11

*д 6:18 Вторая Книга Царств 7:14


предыдущая глава Глава 6 следующая глава