Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ ИОАНН БОГОСЛОВЛАН ПОЧМАШ

Глава 12

1-17 Ӱдырамаш ден дракон.

1Пылпомышто палдарыше кугу пале кончен: кече дене вӱдылалтше ӱдырамаш, йол йымалныже тылзе, а вуйыштыжо латкок шӱдыран вуйшӱдыш.2Ӱдырамаш нелемше улмаш, йоча ыштыме корштымаш дене орланен кычкырен.3Вара пылпомышто палдарыше вес пале кончен: теве шым вуян, лу тӱкан, тул гай йошкар кугу дракон, тудын вуйлаштыже шым диадим.4Тудын почшо кавасе шӱдыр-влакын кумшо ужашыштым ӱлыкӧ шупшылын да нуным мланде ӱмбаке йоктарен. Драконжо азам ыштыше ӱдырамаш ончылно шоген, аза шочмеке, тудым кочнеже улмаш.5Ӱдырамаш эрге азам ыштен, эргыже чыла калыкым кӱртньӧ тоя дене кӱтышаш. Ӱдырамашын икшывыже Юмо деке да Тудын престолжо деке налме лийын.6А ӱдырамаш ир мландыш куржын, тудлан тушто Юмын ямдылыме вер лийын, тушто тудым тӱжем кок шӱдӧ кудло кече пукшаш тӱҥалыт.

7Вара пылпомышто сар тӱҥалын: Михаил да тудын Суксыж-влак дракон ӱмбаке сар дене каеныт. Дракон да тудын суксыж-влак кредалыныт,8но вийышт ситен огыл, нунылан пылпомышто ынде вер лийын огыл.9Уло сандалыкым ондалыше кугу драконым, акрет годсо кишкым, диавол да сатана манын лӱмдымым, мланде ӱмбаке сӱмырал шуэныт, тудын дене пырля суксыж-влакымат сӱмыралыныт.10Вара мый виян йӱкым колынам, тудо пылпомышто ойлен:
«Мемнан Юмынан утарымашыже,
куатше да Кугыжанышыже,
Тудын Христосшын властьше ынде толын,
вет мемнан иза-шольынам титаклышым,
мемнан Юмына ончылно нуным йӱдшӧ-кечыже титаклышым,
сӱмырал шуымо.
11Тудым нуно Пачан вӱржӧ
да шке таныклыме мутышт дене сеҥеныт,
чоныштымат чаманен огытыл,
колашат ямде лийыныт.
12Тугеже, пылпомыш да тушто илыше-влак, куаныза!
А мланде ӱмбалне да теҥызыште илыше-влаклан – ойго!
Тендан деке диавол волен,
жапше шагал улмым паленат,
тудым ажгынымаш авалтен».
13Шкенжым мланде ӱмбаке сӱмыралмым ужмеке, эрге азам ыштыше ӱдырамашым дракон поктылаш тӱҥалын.14Ир мландышке, палемдыме верыш, ӱдырамаш чоҥештен каен кертше манын, тудлан кугу пӱркытын кок шулдыржым пуымо: тушто, кишке деч тораште, пагыт, кок пагыт да пелпагыт жапыште тудо пукшымо лийшаш.15Ӱдырамашым йогын дене наҥгаяш манын, тудын почеш кишке умшаж гыч эҥер семын вӱдым йоктарен колтен.16А ӱдырамашлан мланде полшен: мланде шке умшажым почын да драконын умшаж гыч колтымо эҥерым нелын.17Ӱдырамашлан дракон чот сырен да тудын моло икшывыж-влак дене кредалаш каен, Юмын кӱштымыжым шуктышо, Иисус Христосын таныклымыжым кучышо моло шочшыж ваштареш кынелын.


*а 12:14 «Пагыт, кок пагыт да пелпагыт» – кум ият пеле. Ончо Дан 7:25, 12:7.

предыдущая глава Глава 12 следующая глава