Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ ИОАНН БОГОСЛОВЛАН ПОЧМАШ

Глава 10

1-11 Вӱдылка книгам кучышо Суксо.

1Вара мый эше ик Суксым ужынам. Тудо кугу куатан лийын, пылпомыш гыч волен. Вургемже пыл лийын, вуй ӱмбалныже – шонанпыл, шӱргыжӧ кече гай, йолжо тул меҥге гай.2Кидыштыже тудо почмо книгам кучен. Пурла йолжым теҥыз ӱмбаке шынден, шолажым – мланде ӱмбаке,3да лев ырлыме семын виян йӱк дене кычкыралын. А кунам тудо кычкыралын, шым кӱдырчӧ кажныже шке йӱкшӧ дене ойлаш тӱҥалын.4Кажне шым кӱдырчӧ шке йӱкшӧ дене ойлымеке, мый возаш шонышым, но пылпомыш гыч йӱкым кольым: «Шым кӱдырчӧ мом ойлымым ит палдаре, тидым ит возо».

5Вара теҥыз да мланде ӱмбалне шогышо мыйын ужмо Суксо кидшым пылпомыш велке нӧлталын6да кавам да тушто улшым, мландым да тушто улшым, теҥызым да тушто улшым Пӱрышӧ, курым-курымеш Илыше дене товатлен: «Ынде жап ок лий.7Шымше Суксын пучшо йоҥгалтме кечылаште Юмын тайныже Тудын пророк тарзыж-влаклан увертарымыж семынак шукталтеш».

8А пылпомыш гыч мыйын колмо йӱк адак мылам каласен: «Мий, теҥыз да мланде ӱмбалне шогышо Суксын кид гычше почмо книгам нал».9Мый Суксо деке мийышым, книгам пуаш йодым. А тудо мылам ойлен: «Нал да коч. Тыйын кӧргыштет тудо кочым луктеш, но умшаштет мӱй гай шере лиеш».10Мый Суксын кидше гыч книгам нальым да кочкым, умшаштем тудо мӱй гай шере ыле, а кочмекем, кӧргыштем кочо лие.11А тудо мылам ойлен: «Тыланет шуко калык, тукым, йылме да кугыжа нерген адакат пророкла каласкалаш кӱлеш».


*а 10:6 Пӱрышӧ – Творец.

предыдущая глава Глава 10 следующая глава