Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ ИОАНН БОГОСЛОВЛАН ПОЧМАШ

Глава 5

1-14 Книга да Надыр Пача.

1Престолышто Шинчышын пурла кидыштыже книгам ужынам, тудыжо кӧргыштыжат да ӱмбалныжат возыман да шым печать дене петырыме лийын.2Мый виян Суксым ужынам, тудо кугу йӱк дене кычкырен увертарен: «Кӧ печать-влакым кораҥдаш да книгам почаш йӧрышӧ уло?»3Но пылпомыштат, мланде ӱмбалнат, мланде йымалнат книгам почынат, кӧргышкыжӧ ончалынат кертше нигӧ лийын огыл.4Книгам почаш, кӧргышкыжӧ ончалаш да лудаш йӧрышӧ иктат лийын огылат, мый шуко шортынам.5Старец кокла гыч иктыже мылам ойлен: «Ит шорт. Теве Иуда тукым гыч лев, Давидын вожшо, сеҥымашке шуын. Тудо шым печатьым кораҥда да тиде книгам почеш».

6Мый ужынам: теве престол, ныл илыше да старец-влак коклаште шӱшкылмӧ гай Пача шога, Тудо шым тӱкан да шым шинчан, нуныжо Юмын уло мланде ӱмбаке колтымо шым шӱлышыжӧ улыт.7Пача толын да престолышто Шинчышын пурла кидше гыч книгам налын.8А кунам Тудо книгам налын, ныл илыше да коло ныл старец Пача ончылан кумык возыныт. Кажныжын кӱсле да шӧртньӧ чашыже лийын, чашышт тамлын ӱпшышӧ фимиам дене темыме, тидыже – святой-влакын кумалмышт.9Нуно у мурым муреныт:
«Тый книгам налаш
да печать-влакым почаш йӧрышӧ улат,
вет Тый шӱшкылмӧ лийынат,
чыла йыжыҥ да йылме, калык да тукым гыч мемнам
Юмылан шке Вӱрет дене тӱлен налынат.
10Тый Юмыланна
мемнам кугыжа ден иерей-влакым ыштенат,
ме мланде ӱмбалне кугыжаланаш тӱҥалына».

11Вара мый ужынам да шуко Суксын йӱкшым колынам, нуно престол, илыше-шамыч да старец-влак йыр лийыныт. Нунын чотышт – тӱжем дене, шотлен пытарыдыме.12Нуно виян йӱк дене ойленыт:
«Шӱшкылмӧ Пача
вийымат, поянлыкымат, уш-акылымат, куатымат,
чапымат, пагалымашымат, моктымашымат
налаш йӧрышӧ».
13Пылпомыштат, мландӱмбалнат, мланде йымалнат, теҥызыштат Юмын пӱрымӧ-влакын мом ойлымыштым мый кольым. Нуно ойленыт:
«Престолышто Шинчышылан да Пачалан
курым-курымеш моктымаш, пагалымаш, чап да власть».
14Вара ныл илыше каласен: «Аминь». Коло ныл старец кумык возын да курым-курымеш Илышылан вуйым савен.


*а 5:13 Пӱрымӧ-влак – сотворенные.

предыдущая глава Глава 5 следующая глава