Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ТИМОФЕЙЛАН КОЛТЫМО КОКЫМШО СЕРЫШЫЖЕ

Глава 1

1-2 Саламлымаш. 3-18 Юмылан тауштымаш.

1Иисус Христос дене ушнымаште сӧрымӧ илышым увертараш колтымо, Юмын эрыкше почеш Иисус Христосын Апостолжо лийше Павел деч2шкенжын йӧратыме Тимофей эргыжлан.

Ача Юмо да Господьна Христос Иисус деч тыланет порылык, чаманымаш да тыныслык лийже.

3Мый Юмылан таум ыштем – Тудлан ача-кочам семынак яндар совесть дене служитлем – да йӱдшӧ-кечыже кумалмаштем тыйым эре шарнем.4Мый шинчавӱдетым шарналтем, тыйым ужмем шуэш, ужмекем, мыйым куан тема.5Тыйын чон гыч лекше ӱшанымашетым мый шарнем. Ондак тыйын Лоида коват ден Евника аватын шӱмыштыштат тыгаяк ӱшанымаш лийын, да мый инанем: тудо тыйынат кӧргыштет ила.

6Сандене тыланет ушештарем: ӱмбакет кидем пыштымем годым Юмо деч налме моштымашетым угычын вияҥден шого.7Юмо мыланна лӱдмашын шӱлышыжым огыл, а вийын, йӧратымашын да яндар уш-акыл дене илымын шӱлышыжым пуэн.8Тугеже мемнан Господьна [Иисус Христос] нерген таныклыме дечат, мый дечемат – Тудын верч петырымаште шинчыше деч – ит вожыл, а Поро Увер верч нелылыкым чытымашке мый денем пырля ушно, тидлан Юмо вийым пуа.9
Тудо мемнам утарен
да святой илышышке ӱжын.
Тидым мемнан пашаланна кӧра огыл,
а ончылгоч шонен пыштымыжлан кӧра
да жап тӱҥалме деч ончычак мыланна
Христос Иисус гоч ончыктымо порылыкшылан кӧра ыштен.
10Тидыже ынде мемнам Утарыше Иисус Христосын
толмыж гоч почылтын.
Тудо колымашын вийжым пытарен,
Поро Увер гоч илышым да колыдымашым почын ончыктен.
11Тиде Поро Уверын увертарышыжлан да Апостолжылан мыйым шогалтыме. Мый чын Юмым палыдыме-влаклан тудым туныктышаш улам.12Тидлан кӧра мый тыге орланем. Туге гынат ом вожыл: Кӧлан мый ӱшанем, Тудым палем, да саде кече марте мыланем ӱшанен пуымым аралаш Тудын куатше уло манын инанем.

13Мый дечем тый яндар туныктымашым колынат. Тек тудо тылат корным ончыкта, Христос Иисус дене ушнымаште шочшо ӱшанымашым да йӧратымашым арале.14Тыланет ӱшанен пуымо порылыкым мемнан шӱм-чонышто илыше Святой Шӱлышын полшымыж дене арале.

15Тый палет: Асийысе-влак чыланат мый дечем кораҥыныт, нунын коклаште Фигелл ден Ермогенат улыт.16Тек Онисифорлан да тудын мӧҥгысыж-влаклан Господь порылыкым ышта, вет тудо мыйым шуко гана кумылаҥден да, мыйым шинчырленыт гынат, мый дечем вожылын огыл.17А кунам тудо Римыш толын, мыйым чот тыршен кычалын да муын.18Тек Господь шке кечынже тудлан порылыкшым ончыкта. А кунар тудо мылам Ефесыште полшен, тый эн сай палет.


*а 1:1 Эрык – воля, желание.

*б 1:12 «Мыланем ӱшанен пуымым»: грекла возымым тыгат кусараш лиеш: «Мыйын ӱшанен пуымым».

предыдущая глава Глава 1 следующая глава