Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ТИМОФЕЙЛАН КОЛТЫМО ИКЫМШЕ СЕРЫШЫЖЕ

Глава 3

1-7 Черке вуйлатыше-влак нерген. 8-13 Диакон-влак нерген. 14-15 Молан тиде серышым возымо. 16 Христослан чапмуро.

1Тиде мут чын: кӧ епископ лийнеже гын, поро пашам ыштынеже.2А епископ шылталаш лийдыме лийшаш: ик гана гына ӱдырым налше, айык, ушан-шотан, шкенжым сайын кучышо, [чыным йӧратыше,] корныеҥ-влакым кумылын ончышо, туныктен моштышо лийже.3Аракам йӱаш йӧратыше огыл, кредал коштшо огыл, [ӱчашыше огыл,] шкаланже пайдам кычалше огыл, но тыматле лийже, ынже ӱчаше, оксам ынже йӧрате.4Тудо шке ешыжым моштен кучышаш, йочажым мут колыштшым да чыла шотыштат чын илышым ончен куштышаш.5А кӧ шке ешыжым кучен огеш керт гын, кузе Юмын Черкыж верч тыршаш тӱҥалеш?6Епископ кызыт гына ӱшанаш тӱҥалше лийшаш огыл. Тыгай айдеме кугешнаш тӱҥалын да диавол дене пырля титаканыш лукталтын кертеш.7Еҥ-влакын титаклымашкышт да диаволын вапшышкыже логалаш огыл манын, тудо ӧрдыж-влак коклаштат пагалыме лийшаш.

8Тыгак диакон-влакат чын илышаш улыт. Нуно кокыте ойлышаш огытыл, аракам йӱаш йӧратыше ынышт лий, шкаланышт пайдам ынышт кычал,9ӱшанымашын таинствыжым ару совесть дене пеҥгыдын кучышаш улыт.10Но нине еҥымат ондакше тергыман, вара, нуно шылталаш лийдыме улыт гын, тек служитлаш тӱҥалыт.11Вате-влакат чын илышаш улыт, еҥ ӱмбаке ынышт ойло, айык, чыла шотыштат ӱшанле лийышт.12Диакон-влак тек ик гана гына ӱдырым налше лийыт, шке йочаштым да ешыштым сайын кучышт.13Сайын служитлыше-влак шкаланышт кугу кӱкшытым ямдылат, да Христос Иисуслан ӱшанымаште нуно кугу лӱддымылыкыш шуыт.

14Тый декет вашке мияш ӱшанен, мый тидым тылат возем.15А кучалтам гын, Юмын пӧртыштӧ еҥ-влак шкеныштым кузе кучышаш улыт манын, тыланетат палаш кӱлеш, вет тиде пӧртшӧ илыше Юмын Черкыже, чынын негызше да эҥертышыже.16
Чынжымак, Юмылан ӱшанымашын святой тайныже пешак кугу:
Юмо кап дене толын,
Святой Шӱлыш дене чыныш лектын,
Суксо-влаклан Шкенжым ончыктен,
калык-влаклан Тудын нерген увертарыме,
тӱняште Тудлан ӱшаненыт,
Тудо чап дене пылпомышко нӧлталтын.


*а 3:2 «Ик гана гына ӱдырым налше»: грекла «Ик ватын марийже». Тыгак – 3:12.

*б 3:15 «Юмын пӧрт» манмым тыште «Юмын калык» манын умылыман.

предыдущая глава Глава 3 следующая глава