Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ТИМОФЕЙЛАН КОЛТЫМО ИКЫМШЕ СЕРЫШЫЖЕ

Глава 2

1-15 Юмылан кузе кумалман.

1-2Тыгеже мыланна ласкан, шып, чыла шотыштат Юмым пагален да яндар койышым кучен илаш манын, чыла еҥ верч, кугыжа ден вуйлатыше-влак верч эн ондак йодмым, кумалмым, сӧрвалымым, тауштымым эртараш йодам.3-4Чыла еҥ утаралтше да чыным пален налже манын шонышо Юмын, мемнан Утарышынан, ончылно тидыже сай да келшыше.5Вет Юмо икте, Юмо ден еҥ-влак коклаште ушен шогышат икте – айдеме Христос Иисус.6Тудо чыла еҥым сулен налаш Шкенжым пуэн, шке жапыштыже таныклымаш тыгай лийын.7Тидланак мыйым увертарен туныктышылан да Апостоллан шогалтыме. Христос дене ушнен, чыным ойлем, ом шойышт. Чын Юмым палыдыме-влакым ӱшанымашлан да чынлан туныкташ мыйым палемдыме.

8Тыгеже пӧръеҥ-влак, кидыштым яндар кумылын нӧлталын, шыде да кокыте шонымаш деч посна чыла годымат кумалышт манын шонем.9-10Тек ӱдырамаш-влак чапыштым волтыдымо, шинчаш перныдыме да шотан вургемым чият, шкеныштым ойыртемалтше ӱппунем, шӧртньӧ, ракывотшер да шергакан вургем дене огыл, а поро пашашт дене сӧрастарышт. Юмын корно дене каяш шонышо ӱдырамаш-влаклан тыге ышташ келша.11Тек ӱдырамаш, чыла шотыштат мутым колыштын, шып тунемеш.12Туныкташ але пӧръеҥым вуйлаташ мый ӱдырамашлан эрыкым ом пу, тудо шып илышаш.13Вет эн ончыч Адамым ыштыме, вара – Евам.14Адамым ондалыме огыл, а ӱдырамаш ондалалтын да титакыш пурен.15Но ӱдырамаш ӱшанымаште да йӧратымаште пеҥгыдын шога да поро уш-акыл дене яндарын ила гын, йочам ыштыме гоч утаралтеш.


предыдущая глава Глава 2 следующая глава