Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ФЕССАЛОНИКЫШТЕ ИЛЫШЕ-ВЛАКЛАН КОЛТЫМО КОКЫМШО СЕРЫШЫЖЕ

Глава 3

1-5 Мемнан верч кумалза. 6-15 Шот деч посна илыме деч шижтарымаш. 16-18 Чеверласымаш.

1Тугеже, иза-шольо-влак: Господьын шомакше тендан денысе семынак писын шарлыже да чапланыже манын, мемнан верч кумалза.2Йӧрдымӧ, осал еҥ деч мыланна утлаш манынат кумалза, вет чылаштын огыл ӱшанымашышт уло.3Но Господь ӱшанле, Тудо тендам пеҥгыдемда да осал деч арала.4Господь дене ушнымаште тендан нерген ӱшанна уло: мом ме тыланда кӱштена, тудым кызытат, ончыкыжымат шукташ тӱҥалыда.5Тек Господь тендан шӱмдам Юмын йӧратымашке да Христосын чытымашкыже виктара.

6Иза-шольо-влак, мемнан деч налме туныктымаш почеш огыл, а шот деч посна илыше чыла иза-шольо деч те кораҥза манын, мемнан Господьна Иисус Христосын лӱмжӧ дене кӱштена.7Мемнан семын кузе ыштышашым те шкеат паледа. Ме тендан дене лиймына годым шот деч посна илен огынал,8нигӧн киндыжым яра кочкын огынал. Тендан кокла гыч нигӧлан нелым ышташ огыл манын, йӱдшӧ-кечыже шуко пашам ыштен улына.9Мемнан властьна укелан огыл, а тыланда корным ончыкташлан, теат мемнан семынак ыштыза манын, тидым шуктенна.10«Кӧ пашам ынеж ыште, тудо ынже коч» манын, тендан дене лиймына годым кӱштенна.11Но ме колынна: тендан кокла гыч южышт шот деч посна илат, нимогай пашам огыт ыште, кӱлеш-оккӱлым шуктат.12Тыгай-влак тыматлын пашам ыштышт да шке пашашт дене налме киндым кочкышт манын, мемнан Господьна Иисус Христосын лӱмжӧ дене кӱштена да сӧрвалена.13А те, иза-шольо-влак, порым ышташ ида нойо.14Тиде серышыште возымынам иктаж-кӧ ок колышт гын, тудым шкаланда палемдыза да, вожылтараш манын, тудын дене кылым ида кучо.15Туге гынат тушманлан ида шотло, а иза-шольым тӧрлымӧ семын шижтарыза.

16Тек тыланда тыныслык Господь Шкеак чыла шотыштат эре тыныслыкым пуа. Тек Господь чыланда пелен лиеш.

17Мый, Павел, тиде саламлымашым шке кидем дене возем, тидыже чыла мыйын серышемын палыже лиеш – мый тыге возем.18Тек мемнан Господьна Иисус Христосын порылыкшо чыланда дене лиеш. Аминь.


предыдущая глава Глава 3 следующая глава