Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ФЕССАЛОНИКЫШТЕ ИЛЫШЕ-ВЛАКЛАН КОЛТЫМО ИКЫМШЕ СЕРЫШЫЖЕ

Глава 5

1-11 Ида мале. 12-28 Каҥаш-влак да чеверласымаш.

1Иза-шольо-влак, жап да шагат нерген тыланда возаш кӱлешыже уке.2Те шкеат сайын паледа: Господьын кечыже йӱдым толшо вор семын толеш.3Кунам «Тыныслык, лӱдыкшӧ уке» манын ойлаш тӱҥалыт, тунам нелемше ӱдырамашын азам ыштыме орланымашыже тӱҥалме семын азап нуным вучыдымын авалта, да утлен огыт керт.4Но те, иза-шольо-влак, пычкемыште огыдал, да тудо кече тендам вор семын авырен ок керт.5Те чылан волгыдын шочшыжо, кечывал кечын икшывыже улыда. Ме йӱдынат, пычкемышынат шочшыжо огынал.6Тыгеже моло семын малышаш огынал, ме шекланен шогышаш да айык шонымашан лийшаш улына.7Вет малыше-влак йӱдым малат, да йӱшӧ-влак йӱдым йӱыт.8Ме кечывал кечын шочшыжо улына гын, айык шонымашан лийшаш улына, аралыше кӱртньӧ тувыр семын йӧратымаш ден ӱшанымашым чийышаш, утарымашым ӱшанен вучымым шлем семын упшалшаш улына.9Вет Юмо мемнам шке шыдыжлан огыл, а Господьна Иисус Христос гоч утарымашым налаш палемден.10Ме илена але колымаш омо дене малена, мыланна Христос дене пырля илаш манын, Тудо мемнан верч колен.11Сандене икте-весыдам кумылаҥдыза да пеҥгыдемдыза. Те тидым ынде ыштен шогеда.

12Иза-шольо-влак, тендан коклаште пашам ыштыше, Господь дене ушнымаште тендам виктарыше да каҥашым пуышо еҥ-влакым жаплаш йодына.13Ыштен шогымо пашаштлан нуным поснак пагалыза да йӧратыза. Шке коклаштыда тынысын илыза.14Шот деч посна илыше-влакым туныктыза, лӱдшӧ-влакым кумылаҥдыза, вийдыме-влаклан полшыза, чыла декат чытышан лийза манын, иза-шольо-влак, тендам сӧрвалена.15Нигӧат весын осалжылан осал дене ынже вашеште манын шекланыза, икте-весыланда да чылаланат эре порым ышташ тыршыза.

16Эре куаныза.17Чарныде кумалза.18Чыла годымат Юмылан таум ыштыза. Тендан деч, Христос Иисус дене ушнен шогышо-влак деч, Юмо тидымак вуча.19Шӱлышын тулжым ида йӧртӧ,20пророкла ойлымым ӱлык ида шынде.21Чыла тергыза, сайжым кучыза.22Чыла тӱрлӧ осал деч кораҥза.

23А тыныслыкым пуышо Юмо Шкеак тендам пӱтынек святитлыже, тек тендан шӱлышда, чонда да капда мемнан Господьна Иисус Христос толмылан шылталаш лийдымын тӱрыснек аралалт кодеш.24Тендам Ӱжшӧ – ӱшанле, Тудо тидым ышта.25Иза-шольо-влак, мемнан верч кумалза.26Чыла иза-шольым святой шупшалмаш дене саламлыза.27Тиде серышым чыла святой иза-шольылан лудаш Господь лӱм дене кӱштем.28Мемнан Господьна Иисус Христосын порылыкшо тендан дене лийже. Аминь.


предыдущая глава Глава 5 следующая глава